ઉદ્દઘાટન:ગાંધીનગરમાં ‘આપ’ના કાર્યાલયનું ઉદ્દઘાટન કરાયું

ગાંધીનગરમાં આમ આદમી પાર્ટીની સક્રિયતા વધવાની સાથે ન્યૂ ગાંધીનગરના સરગાસણ વિસ્તારમાં નવા કાર્યાલયની શરૂઆત થઈ છે. કાર્યાલયના ઉદ્દઘાટનમાં આપના ગુજરાત પ્રદેશ ઉપાધ્યક્ષ ભેમાભાઈ ચૌધરી, પ્રદેશ સંગઠન મંત્રી અમદાવાદ ઝોન હસમુખભાઈ પટેલ તથા ગાંધીનગર મહાનગરના પ્રમુખ જીતેન્દ્ર ધારાવાડિયા હાજર રહ્યાં હતા. આ અંગે આમ આદમી પાર્ટી ગાંધીનગરના પ્રવક્તા આશિષબેન ઝાલાએ જણાવ્યું હતું કે,‘આ અવસરે આમ આદમી પાર્ટીના સનિષ્ઠ નવા-જૂના કાર્યકરોની ઉત્સાહભરી હાજરીમાં આગામી ચૂંટણીઓને લઈને ચર્ચા થઈ હતી. આગામી સ્થાનિક સ્વરાજની ચૂંટણીઓને લઈને પણ પક્ષ દ્વારા રણનીતી બનાવાઈ રહી છે.’ ગાંધીનગર કોર્પોરેશનની ચૂંટણી આગામી એપ્રિલ માસમાં આવશે.