કાર્યવાહી:2 નોટિસ છતાં ફાયર NOC ન લેનારા 8 જીમ સીલ કરાયાં

ગાંધીનગર મ્યુનિસિપલ કોર્પોરેશન વિસ્તારમાં ફાયર એનઓસી વગરના 8 જીમને સીલ કરવામાં આવ્યા છે. ફાયર વિભાગ દ્વાર નવેમ્બર-2020માં ફાયર એનઓસી મુદ્દે નોટિસ આપવામાં આવી હતી. જે બાદ ફરી 7 જાન્યુઆરી 2021માં જીમ સંચાલકોને ફરી નોટિસ આપવામાં આવી હતી. બે-બે નોટિસ છતાં ફાયર એનઓસી ન લેવાતા ફાયર તંત્ર દ્વારા 8 જીમને સીલ કરી દેવાયા છે.

શનિવારે સીલ કરાયેલા જીમમાં બ્લેક જીમ (સ્વાગત રેઈન ફોરેસ્ટ, કુડાસણ), ઓમ ફિટનેસ (ગાયત્રીનગર, સે-27), પ્રાઈમ ફિટનેસ જીમ (સે-24 ચોકડી), સ્કાય ફિટનેસ જીમ (આરાધના સ્કૂલ પાસે, સે-28), બ્રેવ લાયન ડેન (વિશ્વકર્મા શોપિંગ, સે-21), શિવ ફિટનેસ (સરગાસણ ચોકડી), જીમ લોજ (રાધે આર્કેડ, કુડાસણ), વન લાઈફ ફિટનેસ (અપના બજાર, સે-6)નો સમાવેશ થાય છે.