કાર્યવાહી:સેક્ટર-24 ખાતે જુગાર રમતા 5 શખ્સ ઝડપાયા, રૂ.13,270નો મુદ્દામાલ જપ્ત કરાયો

ગાંધીનગરમાં સેક્ટર-24 મટન માર્કેટની સામે જુગાર રમતાં પાંચ શખ્સો ઝડપાયા છે. સેક્ટર-21 પીઆઈ એ. જે. ચૌહાણના માર્ગદર્શનમાં ટીમ પેટ્રોલિંગમાં હતો ત્યારે હેડકોન્સ્ટેબલ પ્રહલાદભાઈ તથા કોન્સ્ટેબલ અલ્પેશસિંહને સંયુક્ત રીતે જુગાર અંગે બાતમી મળી હતી. જેના આધારે પોલીસે સે-24 તવક્કલ મટન શોપની સામે ચાલતા જુગાર પર રેડ કરી હતી. જેમાં સે-24 ઈન્દિરાનગર છાપરામાં રહેતાં જમાલખાન સત્તારખાન પઠાણ (50 વર્ષ), સુનિલભાઈ શ્યામભાઈ દંતાણી (32 વર્ષ), સદીકભાઈ કાલુભાઈ મલેક, રસુલખાન સત્તારખાન પઠાણ તથા છનાભાઈ ડાહ્યાભાઈ રાવળ (જુગાર રમતા ઝડપાયા હતા. પોલીસે જુગારીઓ પાસેથી 11,170 રોકડા તથા 2100ના ત્રણ ફોન મળી કુલ 13270નો મુદ્દામાલ જપ્ત કર્યો હતો. આ કેસમાં ઝડપાયેલા પાંચ આરોપીઓ સામે પોલીસે ગુનો નોંધી આગળની વધુ કાર્યવાહી હાથ ધરી હતી.