દારૂની હેરાફેરી:મેદરા કેનાલ નજીકથી 480 બોટલ વિદેશી દારૂ ઝડપાયો

ગાંધીનગર2 મહિનો પહેલા
  • કૉપી લિંક
  • પોલીસે 1,08,300નો મુદ્દામાલ જપ્ત કર્યો પખવાડીયામાં બીજીવાર માેટી માત્રામાં દારુ ઝબ્બે

ડભોડા પોલીસે એક પખવાડીયા પહેલા દારૂનુ કટીંગ કરતી ટ્રક ઝડપી લીધી હતી. જ્યારે આજે ગુરૂવારે મેદરા કેનાલ ઉપરથી દારૂ ભરીને પસાર થતી રીક્ષા સાથે બુટલેગરને ઝડપી લીધો હતો. પોલીસે આરોપીની ધરપકડ કરી કાર્યવાહી હાથ ધરી હતી.

મળતી માહિતી મુજબ ડભોડા પોલીસ મથકનાં પીએસઆઇ એ.એ.વછેટાની આગેવાનીમાં ટીમ દારૂ, જુગારના કેસ સહિતની ગુનાહિત પ્રવૃતિઓ અટકાવવા કામગીરી કરી રહી છે. ત્યારે આજે ગુરૂવારે બાતમી મળી હતી કે, નર્મદા મુખ્ય કેનાલથી મેદરા બ્રિજ તરફ રીક્ષા આવી રહી છે. પોલીસે વોચ ગોઠવી રીક્ષા નંબર જીજે 27 ડબલ્યુ 5103 ને અટકાવી તપાસ કરતા 480 બોટલ વિદેશી દારૂ કિંમત 76800નો ઝડપી લીધો હતો. જ્યારે રીક્ષા ચાલક રાજેન્દ્રસિંહ પારસનાથ રાજપૂત (રહે, ભવાનીનગર, પોસ્ટ ઓફિસ સામે, અમરાઇવાડી અમદાવાદ)ને ઝડપી લીધો હતો.

આરોપી પાસેથી પોલીસે મોબાઇલ સહિત 1,08,300નો મુદ્દામાલ જપ્ત કરી વધુ તપાસ હાથ ધરી હતી. આરોપી રાજસ્થાન તરફથી દારૂ લાવ્યો હોવાની માહિતી મળી રહી છે. ડભોડા પોલીસ દ્વારા પખવાડીયામાં બીજીવાર મોટી માત્રામાં દારૂ પકડવામાં આવ્યો છે. અગાઉ વલાદમાંથી દારૂનુ કટીંગ કરતી ટ્રકને ઝડપી લીધી હતી.

અન્ય સમાચારો પણ છે...