કોલેજોમાં અધ્યાપકોની ખાલી જગ્યાથી શિક્ષણ પર માઠી અસર:સરકારી ડિગ્રી ઈજનેરી કોલેજોમાં અધ્યાપકોની 35% જગ્યા ખાલી છે

રાજ્યની સરકારી ડિગ્રી ઈજનેરી કોલેજોમાં અધ્યાપકોની 35 ટકા ખાલી જગ્યાઓ છે. જ્યારે ડિપ્લોમાં ડિગ્રી ઇજનેરીની પોલિટેકનિકલ કોલેજોમાં 22 ટકા જેટલી ખાલી જગ્યા હોવાનું કોંગ્રેસના ધારાસભ્ય અર્જુન મોઢવાડિયા અને શૈલેષ પરમારના પ્રશ્નના જવાબમાં સરકારે કહ્યું હતું.

આ પ્રશ્ન વખતે કોંગ્રેસના ધારાસભ્ય મોઢવાડિયાએ એવો આક્ષેપ કર્યો હતો કે, કોલેજોમાં વધારે પડતી ખાલી જગ્યાને કારણે શિક્ષણ પર માઠી અસર થઈ છે. રાજ્ય સરકારે ડિગ્રી ઈજનેરી કોલેજોમાં પ્રવેશપાત્ર વિદ્યાર્થીઓની સંખ્યા ઓછી હોવાથી બેઠકો ખાલી રહેતી હોવાનું પણ કારણ રજૂ કર્યુ હતું. રાજ્ય સરકારે ખાલી પડેલી જગ્યાઓ ક્યારે ભરાશે તેવા પૂછાયેલા પ્રશ્નના જવાબમાં કહ્યું હતું કે, વહીવટી અનુકૂળતાએ ખાલી જગ્યાઓ ભરાશે. જો કે, વિપક્ષે સરકારના આ જવાબની ગૃહ બહાર ટીકા કરી હતી.