કાર્યવાહી:ખ-3 પાસેથી 1, સે-15 ફતેપુર ખાતેથી 2 પીધેલા ઝડપાયા

સેક્ટર-7 પોલીસે પેટ્રોલિંગા દરમિયાન બે સ્થળેથી કુલ ત્રણ પીધેલાને ઝડપી પાડ્યા હતા. શહેરના ખ-3 સર્કલ પાસેથી દારૂ પીધેલી હાલતમાં એક્ટિવા ચાલકને ઝડપી પાડ્યો હતો. પોલીસે નામ પૂછતાં તે સે-7 બી ખાતે રહેતાં ધીરજકુમાર પ્રેમભાઈ તંવર હોવાનું સામે આવ્યું હતું. આ તરફ સે-15 ફતેપુરાથી પોલીસે સે-30 સર્વોદયનગર હાઉસિંગ ખાતે રહેતાં ચેતનકુમાર કનુભાઈ ઠાકોર (45 વર્ષ) તથા મુન્નાભાઈ તુલસીભાઈ મારવાડી (48 વર્ષ)ને ઝડપી પાડ્યા હતા.

પોલીસે દારૂ પીધેલી હાલતમાં ઝડપાયેલા ત્રણેય સામે ગુનો નોંધીને કાયદેસરની કાર્યવાહી હાથ ધરવામાં આવી હતી. જો કે, 31st ડિસેમ્બર આવવાના માત્ર હવે 2 દિવસ બાકી રહ્યાં છે, ત્યારે પોલીસે પણ તે અંગેની કવાયત શરૂ કરી દીધી છે. ત્યારે આ રીતે પીધેલી હાલમાં કે દારૂ લઈ જતાઓને ઝડપીને પોલીસે તેમના કાનૂની કાર્યવાહી કરવા માટે સજ્જ થઈ છે.