ક્રાઈમ:કલોલ પૂર્વમાં નજીવી બાબતમાં મારામારી

કલોલ શહેરના પૂર્વ વિસ્તારમાં ઓએનજીસી રોડ પર આવેલ ગૌતમ નગર સોસાયટીમાં સામાન્ય બાબતમાં બે પડોશીઓ વચ્ચે મારામારી થવા પામી હતી. જેને પગલે ભારે હોબાળો મચી જવા પામ્યો હતો. અને સમગ્ર મામલો પોલીસે મથકે પહોંચ્યો હતો. જેમાં જગદીશભાઇ પરમાર એ પ્રકાશભાઈ સદાભાઈ પરમાર, દિનેશભાઇ સદાભાઈપરમાર, ઉષાબેન દિનેશભાઇ પરમાર, રાહુલ દિનેશભાઇ પરમાર સામે ફરિયાદ નોંધાવી હતી. જ્યારે બીજી તરફ પ્રકાશભાઇએ મુકેશભાઈ ધનજીભાઈ પરમાર, જગદીશભાઈ ધનજીભાઈ પરમાર સામે ફરિયાદ નોંધાવી હતી.