દુર્ઘટના:બોરીસણા ગામની રાધેશ્યામ સોસાયટીમાં પાણીની ટાંકીમાં પડતા આધેડનું મોત

કલોલ તાલુકાના બોરીસણા ગામે આવેલ રાધેશ્યામ સોસાયટીમાં 56 વર્ષીય રાજુભાઈ લધારામ કોટવાણી પોતાના પરિવાર સાથે રહેતા હતા. જેઓ ગત તારીખ 27 ડિસેમ્બરના રોજ સાંજના સુમારે પોતાના ઘર પાસે હતા. તે દરમિયાન અચાનક તેમનો પગ લપસી જતાં તેઓ અંડરગ્રાઉન્ડ પાણીની ટાંકીમાં પડી ગયા હતા. કોઈને આ વાતની જાણ થાય તે પહેલાં પાણીમાં ડૂબી જવાથી તેમનું કરૂણ મોત નીપજયું હતું. આ અંગે તાલુકા પોલીસ મથકે જાણ કરતાં પોલીસે અકસ્માત મોતની નોંધ કરી હતી.