કાર્યવાહી:સઈજથી 12 બોટલ દારૂ પકડાયો: આરોપી ફરાર

કલોલ તાલુકા પોલીસ સઈજ બીટ વિસ્તારમાં પેટ્રોલિંગ કરી રહી હતી. તે દરમિયાન ખાનગી રાહે બાતમી મળી હતી કે સઈજ ગામમાં આવેલ વીહામાવાળા પા ના ખરાબામાં ભાવેશજી બાબુજી ઠાકોર (રહે. મોનાભાવાળો વાસ) વિદેશી દારૂનો ધંધો કરે છે. જે બાતમીના આધારે કલોલ તાલુકા પોલીસે દરોડો પાડયો હતો. જેમાં પોલીસને વીહામાવાળા પા ના ખરાબામાં આવેલ બાવળની ઝાડીઓની આડમાં છુપાવેલી રૂ. 4,800ની કિંમતની વિદેશી દારૂની 12 બોટલો મળી આવી હતી. જ્યારે બુટલેગર ભાવેશજી ઠાકોર પોલીસ ને આવતી જોઈ બાવળની ઝાડીઓ કુદી ભાગી છુટયો હતો.પોલીસે ગુનો નોંધી કાર્યવાહી હાથ ધરી છે.