કોરોના વાઇરસ:દસક્રોઈ તાલુકાના મનજીપુરાના 2 યુવાનોને રાસ્કામાંથી ચેપ લાગ્યો

દસક્રોઈ ના ભાતમાં રવિવારે કોઈ પોઝીટીવ કેસ નોંધાયો નથી. ત્યા તંત્રે થોડો હાશકારો લીધો  હતો. પરંતુ  દસક્રોઈના ચવલજ મનજીપૂરામાં બે કેસ તેમજ બોપલ નગરપાલિકામાં એક કેસ પોઝીટીવ મળી આવતા આરોગ્ય વિભાગ  સફાળું ચવલજ મનજીપૂરામાં  દોડી આવ્યું હતું અને સમગ્ર ગામમાં સેનેટાઇઝ કરાયું હતું. તો ગ્રામ યોધ્ધા કમીટી દ્વારા કણભા પોલીસની મદદથી લોકડાઉનનું  ચુસ્ત પાલનનો અમલ કરાવવામાં આવ્યો છે. દસક્રોઈ ના ચવલજ મંજીપૂરા મા બે યુવાઓના રીપોર્ટ પોઝીટીવ મળી આવતા તંત્ર દોડતું થઈ ગયું છે. આરોગ્ય અને પોલીસના ધસી આવી ગામને કોર્ડન કરી સેનેટાઇઝ કર્યું હતું.બે યુવાઓમાં 33 વર્ષીય, તેમજ 22 વર્ષીય યુવકનો સમાવેશ થાય છે. બને કેસ પોઝીટીવ મળી આવતા તેઓના સંપર્કમાં આવેલ રહીશોને 14 દિવસ હોમ આઇસોલેશન કરી દેવાયા છે. આરોગ્ય ટીમ દ્વારા સેનેટાઇઝ સાથે હોમ આઇસોલેશન ઉપર સતત મોનિટરિંગ થઈ રહ્યું છે. મનજીપૂરા ના બે યુવાઓ અમદાવાદ રાસ્કા વોટર પ્રોજેક્ટના કર્મી હતા. અહીં ઉલ્લેખનીય છે કે જાસપુર,રાસ્કા, દુધેશ્વર, કોતરપુર વોટર સ્ટેશનમાંથી 493 સેમ્પલ લેવાય હતા જેમાં 27 કર્મીઓના  પોઝીટીવ રીપોર્ટ આવેલા જેમાં મનજીપૂરાના બે કર્મીઓનો સમાવેશ થાય છે.