કોહવાઈ ગયેલી હાલતમાં યુવકની લાશ મળી:આહવાના જંગલમાંથી સ્મશાન પાસેથી ડીકંપોઝ હાલતમાં યુવાનની લાશ મળી આવતા ચકચાર મચી, પોલીસે તપાસ હાથ ધરી

ડાંગ જિલ્લાના આહવા ખાતેના જંગલ નાકાથી આગળ વઘઈ માર્ગની બાજુમાં સ્મશાન નજીક ઉતરતા ઢાળની ઝાડીમાં એક અજાણ્યા 27 વર્ષીય યુવકની લાશ ડીકંપોઝ હાલતમાં મળી આવી હતી.

પોલીસ સૂત્રોથી મળતી માહિતી મુજબ શરીરે પાતળા બાંધાના ચાર ફૂટ ઊંચા અને શરીરે ટૂંકો ચડ્ડો તથા પીળા ભૂરા રંગની ડિઝાઇન વાળી ટી-શર્ટ પેહરેલી હતી. આહવાના પોલીસ મથકે આહવાના સામાજિક કાર્યકર ઝાકિર શેખે અકસ્માત મોત ગુનો નોંધાવતા પોલીસે આગળની તપાસ હાથ ધરી હતી.