દારૂ ઝડપાયો:દાહોદના રાબડાલ પાસેથી કારમાં લઈ જવાતો દારુ ઝડપાયો, વડોદરા અને દાહોદના બુટલેગરો ઝબ્બે

દાહોદ તાલુકાના રાબડાળ ગામેથી પોલીસે એક ફોર વ્હીલર ગાડીમાંથી કુલ રૂ. 26,400ના વિદેશી દારૂનો જથ્થો ઝડપી પાડ્યો હતો. ગાડીની કિંમત મળી કુલ રૂા. 3,26,400ના મુદ્દામાલ સાથે બે ઈસમોની અટકાયત કરી છે.

બાતમીને આધારે વોચ ગોઠવી હતી
31 મી ડિસેમ્બરને ધ્યાનમાં રાખી દાહોદ જિલ્લામાં પોલીસ દ્વારા સઘન તપાસ હાથ ધરવામાં આવી રહી છે. ત્યારે દાહોદ તાલુકા પોલીસ પોલીસને મળેલી બાતમીના આધારે રાબડાળ ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં. તે સમયે ત્યાંથી બાતમીમાં દર્શાવેલી એક ફોર વ્હીલર ગાડી પસાર થતાં પોલીસ સાબદી બની હતી અને ગાડી નજીક આવતાંની સાથે પોલીસે તેને ચારેય તરફ ઘેરી લઈ ગાડીની તલાસી લેતાં તેમાંથી વિદેશી દારૂની કુલ બોટલ 264 જેની કિંમત રૂા. 26,400ના વિદેશી દારૂના જથ્થો ઝડપી પાડયો હતો.

દાહોદ વડોદરાના બુટલેગરોની જુગલબંદી
ગાડીની કિંમત મળી કુલ રૂા. 3,26,400નો વિદેશી દારૂ મુદ્દામાલ કબજે કર્યા હતો. ગાડીમાં સવાર રાહુલભાઈ કનુભાઈ સોલંકી (રહે.વડોદરા) અને રાજેશભાઈ ભોલાભાઈ રોજીયા (રહે. દેલસર, નીનામા ફળિયુ, તા.જિ.દાહોદ) ની અટકાયત કરી દાહોદ તાલુકા પોલીસે ઉપરોક્ત બંન્ને ઈસમો વિરૂધ્ધ પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.