સાર્વત્રિક વરસાદ:દાહોદ જિલ્લામાં આખી રાત ઝરમર બાદ મંગળવાર કોરો

દાહોદ જિલ્લામાં આખી રાત ઝરમર અને ઝાપટા સ્વરૂપે પડેલા વરસાદને કારણે પ્રજાને ગરમીમાંથી તો રાહત મળી ગઇ છે પરંતુ મંગળવારના દિવસે આકાશમાં તડકા-છાયડાની રમત વચ્ચે મેઘરાજા ગાયબ જોવા મળ્યા હતાં.

સોમવારના દિવસ અને રાત્રી દરમિયાન ગરબાડામાં 16 મિ.મી, ઝાલોદમાં 11 મિ.મી, દે.બારિયામાં 20 મિ.મી, દાહોદમાં 14 મિ.મી, ધાનપુરમાં 23 મિ.મી, ફતેપુરામાં 5 મિ.મી, લીમખેડામાં 14 મિ.મી, સંજેલીમાં 5 મિ.મી અને સિંગવડમાં 18 મિ.મી વરસાદ વરસ્યો હતો. મંગળવારના રોજ જિલ્લામાં સવારથી જ વાદળછાયું વાતાવરણ હતું.

કેટલાંક ઠેકાણે સામાન્ય ઝરમર જોવા મળી હતી, પરંતુ બપોરના સમયે તડકા-છાયડાની રમત વચ્ચે મેઘરાજા આકાશમાં અલોપ થઇ ગયેલા જોવા મળ્યા હતાં.