ક્રાઈમ:સામાન્ય વાતે તકરાર, દંપતીને માર માર્યો

સીમલીયાના રમણભાઇ મોઘજીભાઇ બારીયાના પત્ની લલીતાબેન તથા છોકરો યોગેશ ઘર નજીક આવેલ તેમની વાડીમાં હતા. ત્યારે રાજુ વાલસીંગ બારીયા, લાલસીંગ તેરસીંગ બારીયા તથા ચંપક વાલસીંગ બારીયા તેઓની પાસે આવી ઝઘડો કરી લીલાબેનને ગડદાપાટુનો માર મારતા હતા. ઝઘડાની જાણ રમણભાઇને થતા ઘટના સ્થળે જઇ વચ્ચે છોડાવવા પડતાં તેમને પણ જમણા હાથના ખભા ઉપર તથા પીઠના ભાગે લાકડીના ફટકા મારી તેમજ જાનથી મારી નાખવાની ધમકી આપી હતી. હુમલાખોરો વિરૂદ્ધ લીમડી પોલીસ મથકે ફરિયાદ નોંધાવી હતી.