કોરોના મહામારી:દાહોદ શહેરના 10 સહિત જિલ્લામાં કુલ 16 પોઝિટિવ

દાહોદ જિલ્લામાં શનિવારે શહેરના 10 મળી કોરોના પોઝિટિવના નવા 16 કેસ નોંધાયા હતા. જિલ્લામાં નવા નોંધાયેલા આ કેસોમાં દાહોદ શહેરના 10 અને દાહોદ ગ્રામ્યના 2 સહિત ઝાલોદ શહેર, ઝાલોદ ગ્રામ્ય, ગરબાડા અને ધાનપુરના એક-એક દર્દીઓ કોરોનાગ્રસ્ત હોવાનું નોંધાયું હતું. તારીખ 26 ડિસેમ્બરના રોજ જાહેર થયા મુજબ Rtpcr ટેસ્ટના 265 સેમ્પલો પૈકી 12 અને રેપીડના 817 સેમ્પલો પૈકી 4 દર્દી પોઝિટિવ આવ્યા હતા.

આ સાથે દાહોદ જિલ્લાના કોરોનાગ્રસ્ત દર્દીઓ પૈકી 12 લોકોને સાજા થઇ જતાં ડિસ્ચાર્જ આપી દેવાયું છે. હવે કોરાનાના એક્ટિવ કેસોની સંખ્યા ફરીથી વધતાં 148 થઇ છે.