કોરોનાનો કહેર:સોમવારે દાહોદના 6 સહિત જિલ્લામાં 7 કોરોના સંક્રમિત, વધુ એક મોત સાથે કુલ 91 કોરોનાગ્રસ્તોના મૃત્યુ

દાહોદ જિલ્લામાં સોમવારના રોજ સમગ્ર વિશ્વમાં ફેલાયેલી મહામારી કોરોનાના નવા 7 કેસ નોંધાયા હતા. પ્રાપ્ત માહિતી અનુસાર આ કેસમાં માત્ર દાહોદ શહેરના જ 6 અને લીમખેડાના 1 વ્યક્તિ કોરોનાગ્રસ્ત હોવાનું નોંધાયું હતું.

તારીખ 28 ડિસેમ્બરે જાહેર થયા મુજબ Rtpcr ટેસ્ટના 236 સેમ્પલો પૈકી 4 અને રેપીડના 567 સેમ્પલો પૈકી 3 દર્દીઓ પોઝિટિવ આવ્યા હતા. આ સાથે દાહોદ જિલ્લાના કોરોનાગ્રસ્ત દર્દીઓ પૈકી 18 વ્યક્તિઓને સાજા થઇ જતાં ડિસ્ચાર્જ આપી દેવાયો છે. હાલ જિલ્લામાં કોરાનાના એક્ટિવ કેસોની સંખ્યા 132 થવા પામી છે. આ સાથે વધુ એક મૃત્યુ સાથે હવે જિલ્લામાં કુલ 91 કોરોનાગ્રસ્તોના મૃત્યુ નોંધાયા છે.