ચુંટણી:સુડિયામાં ભાજપના ઉમેદવારની પોસ્ટમાં નોકરી હોવાથી ફોર્મ રદ, આપ અને કોંગ્રેસ વચ્ચે ટક્કર જામશે

સિંગવડ તાલુકાના સુડિયા-46 જિ. પંચાયત બેઠક ઉપર ભાજપ દ્વારા શારદાબેન અનિલભાઇ ડામોરને મેન્ડેટ આપ્યુ હતું. સોમવારે ફોર્મની ચકાસણી વખતે શારદાબેનના ડમી જેણે ભર્યુ હતું તેનું મેન્ડેટ ન હોવાથી ફોર્મ રદ થયું હતું. ત્યાર બાદ કોંગ્રેસના ઉમેદવાર જિજ્ઞેશભાઇ નીસરતાએ શારદાબેનના ફોર્મ સામે વાંધા અરજી કરી જેમાં શારદાબેન હાલમાં બેઢિયામાં પોસ્ટ ખાતાના કર્મી તરીકે નોકરી કરે છે.

કોઇ પણ વ્યક્તિ સરકારી નોકરી કરતાં હોય તો ચુંટણીમાં ઉમેદવારી કરતા નથી અને જે વ્યક્તિ ચુંટણી પંચના કાયદાનો વિરોધ કરીને આવી રીતે ચુંટણીમાં ઉમેદવારી કરે છે તો સરકારનો ગુનેગાર ઠરે છે અને તેમની ઉમેદવારી રદ કરે એવી જોગવાઇ હોવાથી હું કોંગ્રેસ પક્ષના ઉમેદવાર તરીકે ન્યાયની અરજી કરૂ છું. શારદાબેને રાજીનામું મુક્યા વગર ઉમેદવારી પત્ર ભર્યુ હતુ અને તેમાં ખેતી કરતાંનો ઉલ્લેખ કર્યો હોવાથી તેમનું ફોર્મ રદ થયુ હતું.