હાશકારો:ઝાલોદમાં સબજેલના 57 કેદીના કોરોના ટેસ્ટ નેગેટિવ

ઝાલોદ તાલુકામાં કોરોનાનો કહેર યથાવત રહેતા આરોગ્ય વિભાગ સતર્ક બન્યું છે. ત્યારે પ્રાંત અધિકારી એસ.ડી.ચૌધરી દ્વારા તાલુકા ફોર્સ બેઠકમાં સબજેલમાં બંધ કાચા-પાકા કામના કેદીઓના સલામતીના ભાગરૂપે કોરો ટેસ્ટ કરવા માટે આદેશ કરતા મામલતદાર વી.જી.રાઠોડના માર્ગદર્શનમાં આરોગ્યની ટીમ દ્વારા 57 જેટલા કેદીઓના કોરો રેપીડ ટેસ્ટ કરાયા હતા. તમામ ટેસ્ટ નેગેટિવ આવતા તંત્રએ હાશકારો અનુભવ્યો હતો. તાલુકાની તમામ કચેરીમાં ફરજ બજાવતા કર્મીઓના પણ ટેસ્ટ કરવામાં આવનાર હોવાનું જાણવા મળેલ છે.