ટ્રાફિકજામ:લોટિયા બાયપાસ રોડ પર સમારકામ શરૂ થતાં બહાદરપુરમાં ટ્રાફિકજામ `

સંખેડાએક મહિનો પહેલા
  • કૉપી લિંક
  • ગરનાળા નજીકની દીવાલનું સમારકામ ચાલી રહ્યું છે

બહાદરપુર ગામેથી લોટિયા તરફ જવાના રસ્તે રેલવે ગરનાળા નજીકની સાઈડવોલ ચોમાસા દરમિયાન તા.10 જુલાઈના રોજ એકબાજુથી ધરાશાયી થઈ હતી. જેનું સમારકામ કરવાની માંગ સ્થાનિકો કરી રહ્યા હતા. જોકે આ સમારકામનું મુહૂર્ત 6 મહિને આવ્યું છે. હાલમાં સમારકામ શરૂ કરાયું છે. જેને લીધે એ રસ્તે વાહનોની અવર - જવર બંધ કરાઈ છે.

આ રસ્તે અવર - જવર બંધ કરાતા બહાદરપુર ગામમાં ટ્રાફિક વધી ગયો હતો. એક તબક્કે બહાદરપુર રેલવે ફાટકથી ટાવર સુધી ટ્રાફિકજામ થઈ ગયો હતો . આશરે એકાદ કલાક સુધી ટ્રાફિક જામ રહ્યો હતો. વાહનચાલકોને મુશ્કેલી પડી હતી. જોકે એ બાદ ટ્રાફિક બ્રિગેડના જવાનો અહીંયા દોડી આવ્યા હતા અને ટ્રાફિક હળવો કરવાની કામગીરીમાં જોતરાઈ ગયા હતા.

રેતીની ગાડીઓની સૌથી વધુ આવ-જા આ રસ્તે ચાલુ રહી હતી. જેના કારણે સામસામે બે વાહનો ભેગા થઈ જાય ત્યારે ટ્રાફિકજામ વધી જતો હતો. આ સમારકામ વધારે સમય જો ચાલવાનું હોય તો રેતી ભરેલી અને રેતી ભરવા જતી ટ્રકોને વાયા હાંડોદ, રતનપુર, કરનેટ રોડ ઉપર ડાયવર્ઝન અપાય તો ગામમાં ટ્રાંફિક જામની સ્થિતિ સર્જાય નહી.

અન્ય સમાચારો પણ છે...