ધરપકડ:વચગાળાની રજા ઉપરથી નાસતો ફરતો આરોપી પાટણાથી ઝડપાયો

પેરોલ ફર્લો PSI ડી.એમ.વસાવાએ જરૂરી માર્ગદર્શન આપી સખતમાં સખત પેટ્રોલીંગ કરવા તેમજ ખાનગી રાહે હકીકત મેળવી આવા ગુન્હેગારોને શોધી કાઢી જેલ હવાલે કરવા સુચના આપેલી છે. જે અનુસંધાને ગુરુવાર તા.4 ફેબ્રુઆરીએ પેરોલ-ફર્લો સ્ટાફના માણસોને બાતમી મળેલ કે છોટાઉદેપુર સબજેલમાંથી કાચા કામનો કેદી સામંતભાઇ હીમતભાઇ બારીયા રહે. ઢેબરપુરા તા.બોડેલી જિ.છોટાઉદેપુર વચગાળા રજા ઉપરથી જેલમાંથી ફરાર થયેલ છે.

જે પાટણા ગામે રહી મજૂરી કામ કરે છે. તેવી ચોક્કસ હકીકતના આધારે પાટણા ગામે જઇ ઉપરોક્ત છોટાઉદેપુર સબજેલમાંથી વચગાળાની રજા ઉપરથી જેલમાંથી ફરાર થયેલો કાચા કામનો કેદી સામંતભાઇ બારીયાને પકડી પાડી છોટાઉદેપુર સબજેલમાં મોકલી આપવામાં આવ્યો.