એનાલિસિસ:સંખેડા-1 બેઠક પર પુરુષ કરતાં મહિલા મતદારોની સંખ્યા વધુ

સંખેડા તાલુકા પંચાયતની 18 બેઠકો પૈકી સૌથી વધુ મતદાર બહાદરપુર તાલુકા પંચાયત બેઠક ઉપર 6024 મતદારો છે. જ્યારે સૌથી ઓછા મતદાર વડેલી બેઠક ઉપર 3117 મતદારો છે.તાલુકા પંચાયતની 18 બેઠકો પૈકી 17 બેઠક ઉપર પુરુષ મતદારો સ્ત્રી મતદારો કરતા વધારે છે,પણ સંખેડા તાલુકા પંચાયતની સંખેડા-1 બેઠક ઉપર પુરુષ મતદારો કરતા સ્ત્રી મતદારોની સંખ્યા વધારે છે.

સંખેડા તાલુકા પંચાયતની બેઠક માટે એક બાજુએ ઉમેદવારો ચુંટણીનો જંગ જીતવા માટે તનતોડ મહેનત કરી રહ્યા છે.એવી રીતે જ તાલુકાનું ચુંટણીની કામગીરીમાં જોતરાયેલ વહીવટી તંત્ર પણ ચુંટણીની કામગીરીમાં સુપેરે પાર પાડવા માટે કટીબધ્ધ બનેલું છે. સંખેડા તાલુકામાં તાલુકા પંચાયતની કુલ 18 બેઠકો છે.તાજેતરમાં ડિસેમ્બર 2020 દરમિયાન મતદાર યાદી સુધારણા કાર્યક્રમ બાદ નવીન પ્રસિધ્ધ થયેલી મતદાર યાદી મુજબ સંખેડા તાલુકામાં કુલ પુરુષ મતદારોની સંખ્યા 42460,મહિલા મતદારોની સંખ્યા 39701 અને થર્ડ જેંડર મતદારો 2 મળીને કુલ મતદારો 82163 છે.

તાલુકા પંચાયતની કુલ 18 બેઠકો પૈકી સૌથી વધુ મતદારો બહાદરપુર બેઠક ઉપર 6024 મતદારો છે.જ્યારે તાલુકા પંચાયતની વડેલી બેઠક માટે સૌથી ઓછા મતદારો 3117 છે.તાલુકાની 18 પૈકી સંખેડા-1 બેઠક એવી બેઠક છે કે જ્યાં પુરુષ મતદારો કરતા મહિલા મતદારોની સંખ્યા વધારે છે.આ બેઠક ઉપર પુરુષ મતદારોની સંખ્યા 2135,મહિલા મતદારોની સંખ્યા 2151 છે.જ્યારે થર્ડ જેંડર મતદારોની સંખ્યા 2 છે.

સંખેડા તાલુકા પંચાયતની 18 બેઠક દીઠ મતદારોની સંખ્યા