ક્રાઈમ:કોસિન્દ્રા સબ ડિવિઝનના 8 ગામના 12 મકાનોમાંથી વીજચોરી ઝડપાઇ

એમ.જી.વી.સી.એલ.ના કોસીન્દ્રા સબ ડિવિઝનના 8 ગામોમાં વીજ કંપનીની 8 ટીમો દ્વારા આકસ્મિક વીજ ચેકિંગ હાથ ધરાતા 12 વીજ ચોરીના કેસ ઝડપાયા. કુલ 99071 રૂપિયાની વીજચોરી ઝડપાઇ હતી. તમામ કેસ ઘર વપરાશની લાઇટની વીજચોરી હતી.

બોડેલી તાલુકાના કોસીન્દ્રા MGVCLના સબ ડિવિઝન વિસ્તારના 8 ગામોમાં ડભોઇ, બોડેલી ડિવિઝનની 8 ટીમો દ્વારા સવારે 8 વાગ્યાથી વીજ ચેકિંગ હાથ ધરાયું હતું. જે અંગે ડેપ્યુટી એન્જિનિયર એચ. એચ.પીઠવાએ જણાવ્યું હતું કે, કુલ 146 ઘર વપરાશના કનેક્શન ચેક કરાયા હતા. જેમાંથી 12 કનેકશનમાં વીજચોરી ઝડપાઇ હતી. જેમાં પાંચ તો લંગર નાંખીને ડાયરેક્ટ વીજચોરી કરતા ઝડપાયા હતા. જ્યારે 4 મીટર બાયપાસ કરીને વીજચોરી કરતા હતા. આમ કુલ રૂપિયા 99071ની વીજચોરી ઝડપાઇ હતી.