અકસ્માત:કુંડિયા-પરવેટા રોડ પર કપાસ ભરેલી પિકઅપ પલટી જતાં ચાલકનું મોત

સંખેડા તાલુકાના પરવેટાથી કુંડીય રોડ ઉપર કપાસ ભરેલ બોલેરો પીકઅપ ગાડીની એક્ષલ તૂટી જતા પલટી ખાઈ જતા તેના ચાલકનું ઘટનાસ્થળે જ મોત નીપજ્યું હતું. ચલામલી ગામે રહેતો વિકેશભાઈ નાયક ડ્રાઇવિંગનો વ્યવસાય કરે છે. તે છેલ્લા ચાર વર્ષથી તેમના ગામના હુસેનભાઇ મન્સૂરીની બોલેરો પિકઅપ ગાડી ચલાવે છે.

વિકેશભાઈ હુસેનભાઈ ભીખાભાઈ મન્સૂરી દુકાનેથી તેમની બોલેરો ગાડી લઈને કપાસ ભરીને કપાસની ગાડી લઈને કલેડીયા જીનમાં કપાસ આપવા માટે ચલામલીથી નીકળેલો. કલેડિયા જીમમાં કપાસ આપવા માટે ગયેલો પરંતુ જીનમાં કપાસ લીધેલો ના હોવાથી કપાસ ભરેલી બોલેરો પીકપ લઈને પરત આવતો હતો. ત્યારે કુંડીયા પરવેટા રોડ ઉપરથી પસાર થતો હતો. તે વખતે રોડ ઉપર ગાડી પલટી ખાઈ જતા વિકેશભાઈને માથાના ભાગે તથા શરીરના ભાગે ગંભીર ઇજાઓ થતાં સ્થળ ઉપર જ મૃત્યુ થયું હતું. આ બોલેરો ગાડીની એકસલ તૂટી જવાથી ગાડી રોડ ઉપર પલટી ખાઈ જવાથી અકસ્માત સર્જાયો હતો.