ભાસ્કર વિશેષ:માટીના કોડિયાનો ગૃહઉદ્યોગ મૃત:પ્રાયના આરે

સંખેડાએક મહિનો પહેલા
  • કૉપી લિંક
  • ચાઈનીઝ કોડિયા, લાઈટોના આગમનના કારણે દેશી કોડિયાના ધંધા પર માઠી અસર

છેલ્લા કેટલાક વરસોથી દિવાળી દરમિયાન ચાઇનિઝ કોડિયા, લાઇટોના આગમનના કારણે માટીના હાથ બનાવટના દેશી કોડિયા બનાવવા અને વેચવાનો ગૃહઉદ્યોગ મૃત:પ્રાય સ્થિતિએ પહોંચી ગયો છે. બહાદરપુરમાં પ્રજાપતિ સમાજના કારીગરો જે અગાઉ મોટી સંખ્યામાં કોડીયા બનાવી વેચતા હતા. હવે દિવસભર રસ્તા ઉપર બેસીને વેચે છે. તો પણ માંડ માંડ વેચાય છે. વડાપ્રધાનનો લોકલ ફોર વોકલ મંત્ર ચરિતાર્થ થાય તો જ ચાઇનીઝ વસ્તુઓ સામે આપણી વસ્તુઓ ટકી શકશે.

સંખેડા તાલુકાના બહાદરપુર ગામે આખો જ કુંભારવાડો આવેલો છે. ભવ્ય ભૂતકાળ ધરાવતો આ કુંભારવાડો છે. વરસોથી અહિંયા વસતા પરિવારો માટીની વિવિધ ચીજવસ્તુઓ બનાવીને તેનું વેચાણ કરી આજીવીકા કમાતા હતા. દિવાળીના આગમન પહેલાં તો દરેક પરિવારો ખુબ જ મોટી સંખ્યામાં કોડિયા બનાવી તેનું વેચાણ કરતા હતા. બહારથી વેપારીઓ પણ કોડીયા ખરીદી જતા.

પણ છેલ્લા કેટલાક વરસોથી ચાઇનિઝ વસ્તુઓનું ચલણ વધ્યું છે. એમાં પણ દિવાળી પહેલા ચાઇનિઝ લાઇટો અને કોડિયા બજારમાં વેચાણ અર્થે આવી જાય છે. તેની સામેની હરીફાઇમાં હાથ બનાવટથી બનતા દેશી કોડિયા હાંફવા લાગ્યા છે. તેના વેચાણમાં નોંધપાત્ર ઘટાળો થયો છે. જેના કારણે કોડિયા બનાવતા કારીગરોની હાલત પણ કફોડી બની રહી છે. રસ્તા ઉપર કોડિયા વેચવા બેસવા છંતા આખા દિવસમાં માંડ માંડ આંગળીના વેઢે ગણાય એટલા જ કોડિયા વેચાય છે.

અન્ય સમાચારો પણ છે...