ઉમેદવારીપત્ર:સંખેડાની ધોળી, સંખેડા-1, ગુંડિચા બેઠકો માટે ઉમેદવારીપત્રો ભરાયા, જિ. પંચા.ની 4 બેઠક માટે હાલ સુધી એક જ ઉમેદવારીપત્ર ગયું

સંખેડા તાલુકા પંચાયતની ત્રણ બેઠકો માટે આજે કોંગ્રેસના ઉમેદવારો દ્વારા ઉમેદવારીપત્ર ભરાયા હતા. જ્યારે તાલુકા પંચાયતની સંખેડા-1, ધોળી અને ગુંડિચા બેઠક માટે ઉમેદવારીપત્ર ભરાયા હતા. જિલ્લા પંચાયતની 4 બેઠકો માટે અત્યાર સુધી એક જ ઉમેદવારી પત્ર ભરાયું છે.

સંખેડા તાલુકા પંચાયતની કુલ 18 બેઠકો છે. આ 18 બેઠકો માટે ઉમેદવારીપત્રો ભરવાનો આરંભ તા.8 ફેબ્રુઆરીના રોજથી થયો છે. જોકે પહેલા દિવસે તાલુકા પંચાયત માટે એક પણ ઉમેદવારીપત્ર ભરાયું નહોતું. પણ જિલ્લા પંચાયતની સંખેડા બેઠક માટે એક ઉમેદવારીપત્ર ભરાયું હતું.

જોકે મંગળવારે જિલ્લા પંચાયતની સંખેડા તાલુકાની 4 બેઠકો માટે એક પણ ઉમેદવારીપત્ર ભરાયું નથી. પણ તાલુકા પંચાયતની ધોળી, ગુંડિચા અને સંખેડા-1 બેઠક માટે કોંગ્રેસના ઉમેદવારો દ્વારા ઉમેદવારીપત્ર ભરવામાં આવ્યું છે. જોકે હજી સુધી પક્ષના મેંડેટ રજુ કરાયા નથી. ઉમેદવારોની પસદંગીને લઇને કોંગ્રેસ ભાજપ બન્ને પક્ષોમાં ધમાસાણ મચેલું છે.