કાર્યવાહી:આંબાપુરાના કોતરમાંથી દારૂના જથ્થા સાથે બૂટલેગર ઝડપાયો, સંખેડા પોલીસે રૂા. 14055નો વિદેશી દારૂ જપ્ત કર્યો

સંખેડા તાલુકાના આંબાપુરા ગામે એક શખ્સ તેના ઘરની પાછળ કોતરમાં સંતાડી રાખેલો દારુ વેચતો હોવાની સંખેડા પોલીસને બાતમી મળી હતી. આ બાતમી આધારે સંખેડા પોલીસે રેડ કરતા બાતમીવાળી જગ્યાએથી 14055 રૂપિયાનો વિદેશી દારૂ ઝડપાયો હતો. આ દારૂ રાખનાર શખ્સને પણ સંખેડા પોલીસે અટકાયત કરી છે.

સંખેડા પોલીસને બાતમી મળી હતી કે આંબાપુરા ગામે રહેતો જેન્તીભાઈ જેઠાભાઈ નાયકા પોતાના ઘર નજીક કોતરમાં ભારતીય બનાવટ નો ઇંગ્લિશ દારૂ સંતાડી રાખી તેનું વેચાણ કરે છે. આ બાતમી આધારે સંખેડા પોલીસે ત્યાં રેડ કરતાં જેન્તીભાઈ નાયક મળી આવ્યો હતો. તેને સાથે રાખીને સંખેડા પોલીસે બાતમીવાળી જગ્યાએ રેડ કરતા ત્યાંથી કોતરમાંથી દારૂ અને બિયરનો જથ્થો મળી આવ્યો હતો. કુલ 14055 રૂપિયાનો દારૂ-બિયરનો જથ્થો મળી આવતા સંખેડા પોલીસે જેન્તીભાઈ નાયકા વિરુદ્ધ ગુન્હો નોંધીને તેને કોરોન્ટાઈન હેઠળ રાખેલ છે.