શોઘખોળ:ભાટપુરમાં ખેતરે પાણી વાળવા ગયેલો યુવક બપોર બાદ ગુમ થયો

સંખેડા તાલુકાના ભાટપુર ગામનો યુવક ખેતરે પાણી વાળવા ગયા બાદ બપોર પછી ગાયબ થઈ જતાં તર્ક-વિતર્ક સર્જાયા હતા. ગુમ થયેલા યુવકના ભાઈએ સંખેડા પોલીસ મથકે ફરિયાદ નોંધાવી.સંખેડા તાલુકાના ભાટપુર ગામે રહેતો અરવિંદભાઈ રણછોડભાઈ તડવી (ઉ.વ.34) તા. 25 જાન્યુઆરીએ સવારે ગામના દેવાભાઈ પટેલના ખેતરે પાણી વાળવા ગયો હતો.

સાંજ સુધી ઘરે પરત આવ્યો નહોતો. દેવાભાઈએ સાંજે અરવિંદભાઈના ઘરે જઈ તેની માતાને જણાવેલ કે અરવિંદભાઈ બપોરે અઢી વાગ્યાનો ખેતરેથી ક્યાંક જતો રહ્યો છે. જેથી અરવિંદભાઈની માતાએ આ બાબતે તેના મોટાપુત્રને જાણ કરતા તેઓ બીજા દિવસે વડોદરાથી આવ્યા હતા. અરવિંદભાઈની આસપાસના ગામોમાં શોધખોળ કરવા છંતા ન મળતા આખરે સંખેડા પોલીસ મથકે ફરિયાદ નોંધાવાઈ છે.સંખેડા પોલીસ દ્વારા ગુમ થયેલા અરવિંદભાઈની શોધખોળ હાથ ધરી છે. જોકે અરવિંદભાઈ આટલા દિવસથી ગુમ થયા બાદ તેના કોઈ સગડ ન મળતા અનેક તર્ક વિતર્ક ઉભા થયા છે.