તપાસ:પીપળસટથી ચોરાયેલ ડ્રિપ ઇરિગેશનની પાઇપોની ચોરીમાં 4 આરોપી ઝડપાયા

સંખેડા3 મહિનો પહેલા
  • કૉપી લિંક
  • ચોરીનો ભેદ ઉકેલી એક ટ્રક કબજે લેવાઇ, ચોરીમાં સંડોવાયેલ એક આરોપી હજુ ફરાર

સંખેડા તાલુકાના પીપળસટ ગામની સીમમાંથી પટેલ આશિષભાઈ દિનેશભાઇના ખેતરમાંથી 11 હજાર મીટર ટપક સિંચાઈ પદ્ધતિની પાઈપ ચોરાઈ હતી. ચોરાયેલી પાઇપની કિંમત 77 હજાર રૂપિયા હતી. આ બાબાતે સંખેડા પોલીસ સ્ટેશનમાં ફરિયાદ નોંધાવી હતી. જેથી આ ચોરી બાબતે પોલીસ દ્વારા તપાસ હાથ ધરાઈ હતી.પોલીસને તપાસ દરમિયાન આ ડ્રિપની પાઈપની ચોરી બાબતે એક પછી એક કડીઓ મળવા લાગી હતી.

પોલીસે આ ડ્રિપની પાઈપની ચોરીના ગુનામાં અશ્વિન ઉર્ફે લાલો બારીયા રહે.બોરતલાવ, હિતેશ બારીયા રહે સરડીયા, મહેન્દ્ર ઉર્ફે રાજુ બારીયા રહે.સરડીયા અને કમલેશ ઉર્ફે કમો તડવી રહે ખુશાલપુરાને ઝડપી લીધા હતા. આ ચોરીમાં તેમની સાથે રતનપુર (ક)ગામનો હરીશ બારીયા પણ સામેલ હતો. જેની તપાસ ચાલુ છે અને પકડવાનો બાકી છે.

અશ્વિન ઉર્ફે લાલો તેના કાકાના છોકરાની ટ્રકનું હેન્ડલિંગ કરે છે. આ ત્રણ-ચાર જણાએ ભેગા થઈને પાઇપો ભરી હતી. પોલીસે તેમની પૂછપરછ કરતાં તેઓએ જણાવ્યું હતું કે રાત્રે પાઇપો ભરીને વેચી નાખી હતી. આ ગુનાના કામે પોલીસે મુદ્દામાલ તરીકે એક ટ્રકને કબજે લીધી છે. હાલમાં પોલીસે આ ચારે શખ્સોની અટકાયત કરી વધુ તપાસ હાથ ધરી છે.

અન્ય સમાચારો પણ છે...