દુખદ:મોટી રાસલી રોડ ઉપર અજાણ્યા વાહનની ટક્કરથી ઈજાગ્રસ્ત બાઈક ચાલકનું મોત

મોટી રાસલીના રાજુભાઇ નારસિંગભાઈનો પુત્ર હરેશભાઈ રાઠવા સાંજના સમયે પોતાના પિતાને કહીને પાવીજેતપુર બજારમાં કામ અર્થે પોતાની મોટરસાયકલ લઈ આવ્યા હોતા. કામ પતાવી મોટી રાસલી પોતાના ઘર તરફ પોતાની બાઇક લઈને જતા હતા.

પાવી જેતપુર નજીક મોટી રાસલી રોડ ઉપર, પેટ્રોલ પંપની પાસે કોઈ અજાણ્યા વાહને બાઇકને ભયંકર ટક્કર મારી એકસીડન્ટ કરી હરેશભાઈને માથાના ભાગે ગંભીર ઈજાઓ પહોંચાડી હતી. હરેશભાઈને તાત્કાલિક 108માં પાવીજેતપુર સામૂહિક આરોગ્ય કેન્દ્રમાં લઇ જવામાં આવ્યા હતા. જ્યાં સારવાર દરમિયાન કરૂણ મોત થવા પામ્યું હતું.

આમ, પાવીજેતપુર તાલુકાના મોટી રાસલીના બાઈક ચાલક યુવાન હરેશભાઈ (ઉ. વ. 17) ને અજાણ્યા વાહને ટક્કર મારતા માથાના ભાગે ગંભીર ઇજાઓ થતાં સારવાર દરમ્યાન કરુણ મોત થવા પામ્યું છે. જે અંગે પાવીજેતપુર પોલીસે અજાણ્યા વાહન ચાલક વિરૂદ્ધ ગુનો નોધી કાયદેસરની કાર્યવાહી હાથ ધરી છે.