સન્માન:જિલ્લાના બે શિક્ષકોને નેશનલ ઈનોવેટિવ ટીચર એવોર્ડ અપાયો

છોટાઉદેપુર તાલુકાના તેજગઢ નજીક આવેલ અછાલા અને રોજકુવા પ્રાથમિક શાળાના બે શિક્ષકોનું નેશનલ ઈનોવેટીવ ટીચર એવોર્ડ-2022 કુરુક્ષેત્ર હરીયાણા ખાતે એનાયત કરાયો છે.

બાલરક્ષક પ્રતિષ્ઠાન, મહારાષ્ટ્ર અને હરિયાણા રાજયના શિક્ષણ વિભાગ દ્રારા કુરુક્ષેત્ર હરિયાણામાં રાષ્ટ્રીય સ્તરની શૈક્ષણિક ઇનોવેશન કોન્ફરન્સ-2022માં ભારત દેશમાંથી 150થી ઇનોવેટિવ શિક્ષકો પૈકી છોટાઉદેપુર જિલ્લાના બે શિક્ષકો પ્રવિણકુમાર પટેલીયા અછાલા શ્રેષ્ઠ પ્રાથમિક શાળા, જગદીશભાઈ મકવાણા રોજકુવા શ્રેષ્ઠ પ્રાથમિક શાળાનું નેશનલ ઈનોવેટીવ ટીચર એવોર્ડ- 2022વિશેષ પ્રતિભા- સમાજ માટે મૂલ્યવાન શિક્ષક તરીકે અને શિક્ષણ ક્ષેત્રે સંપૂર્ણ નિષ્ઠા અને સમર્પણ, ઉત્તમ નવીન શૈક્ષણિક કાર્ય માટે પુરસ્કાર એનાયત કરવામાં આવેલ છે. જેમણે શાળા અને જિલ્લાનું નામ રોશન કર્યું છે.