કાર્યવાહી:તેજગઢ અછાલા વન વિભાગે ખેરના લાકડાં સાથે 2ને ઝડપ્યા

છોટાઉદેપુર રેન્જ તેજગઢ રાઉન્ડ વિસ્તારના અછાલા અનામત જંગલમાથી ખેરના લાકડા સહિત ચાર લાખના મુદ્દામાલ સાથે 2 આરોપીની અટક કરવામાં આવી હતી. વધુ તપાસમાં અન્ય વધુ આરોપીઓની સંડોવણી બહાર આવશેનું વન વિભાગના અધિકારીએ જણાવ્યું હતું. છોટાઉદેપુર રેન્જમાં આવેલ તેજગઢ રાઉન્ડના અછાલા જંગલના સર્વે નંબર 1 પૈકીમાં અનામત ખેરના લાકડા નંગ 22 અને ટુકડા 34, ઘનમીટર 2.122 ગેરકાયદેસર કાપી ટ્રેક્ટરમાં લઈ જતા હોવાની બાતમી મળી હતી, જે અંતર્ગત વનવિભાગ દ્વારા ટિમો બનાવી રેડ કરતા છોટાઉદેપુર રેન્જના આર.એફ.ઓ એન. સી. રાઠવાના હસ્તે ઝડપાઇ ગયા હતા,, રેડ દરમિયાન 2 ઘનમિટર ઉપરાંત અનામત ખેરના લાકડા અને ટ્રેકટર મળી ચાર લાખના મુદામાલ તેમજ આરોપીઓની અટક કરી કાયદેસરની કાર્યવાહી કરવામાં આવી હતી, જેમાં જંગલમાં થી ગેરકાયદેસર લાકડા કાપી વેચાનારા વધુ આરોપીઓના નામો બહાર આવશે તેમ વનવિભાગના અધિકારીએ જણાવેલું છે.

ડી સી એફ પટેલ જણાવ્યુ હતુ કે છોટાઉદેપુર રેન્જ તેજગઢ રાઉન્ડના અછાલા અનામત જંગલમાથી ગેરકાયદેસર રીતે ખેરના લાકડા ટ્રેક્ટરમાં ભરીને જતાની માહિતી મળતા અલગ અલગ ટીમ બનાવી વોચ રાખતા ખેરના લાકડા 2.122 ઘન મીટર જેની કિંમત ત્રીસ હજાર સહિત ચાર લાખના મુદ્દામાલ સાથે બે ઇસમને ઝડપી પાડી બીજા બે ઈસમોને ઝડપી પાડવાની કાર્યવાહી હાથ ધરી છે