તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

આક્રોશ:કોરોનાના કહેરના કારણે હાટ બજારો ન ભરાતાં વેપારીઓમાં ભારે હતાશા

છોટા ઉદેપુર2 મહિનો પહેલા
  • કૉપી લિંક
  • જિલ્લા કલેક્ટર દ્વારા જાહેરનામું બહાર પડાયું હતું
  • આ વર્ષે ભાંગોરિયાના હાટને પણ કોરોનાનું ગ્રહણ લાગ્યું

છોટાઉદેપુર જિલ્લામાં ભરાતા અઠવાડિક હાંટ બજારો કોરોના કોવિડ-19 મહામારીને કારણે બંધ રહેતા હાટ બજાર કરતા વેપારીઓમાં ભારે હતાશા જોવા મળી રહી છે. આદિવાસી વિસ્તારમાં હોળી મુખ્ય તહેવાર હોય જિલ્લામાં હોળી પર્વ ધામધૂમ પૂર્વક ઉજવાતો હોય છે. પરંતુ ચાલુ વર્ષે છોટાઉદેપુર જિલ્લામાં કોરોનાના કેસોમાં ભારે વધારો થતાં જિલ્લામાં ભરતા હાંટ બજારો ઉપર જિલ્લા કલેક્ટર દ્વારા જાહેરનામું બહાર પાડી પ્રતિબંધ ફરમાવવામાં આવ્યો છે.

છોટાઉદેપુર જિલ્લા અલગ અલગ તાલુકાઓમાં અઠવાડિક હાંટ બજાર ભરાય છે. જેમાં છોટાઉદેપુર શહેર તથા મોટા શહેરોમાંથી વેપારીઓ અવનવી જીવન જરૂરિયાતની ચીજવસ્તુઓ વેચવા અર્થે આવતા હોય છે અને આદિવાસીઓ ખરીદી કરતા હોય છે. હોળી પર્વ પહેલાના 7 દિવસ અલગ અલગ વારે ભરાતા હાંટ બજારો ભાંગોરીયાના હાટ તરીકે ઓળખાય છે. જેમાં આદિવાસીઓ અવનવા રંગબેરંગી પહેરવેશ પહેરીને અલગ અલગ ટુકડીઓ બનાવીને ઢોલ ત્રાંસા, પીહાં (વાંસળી) વગાડીને નાચગાન કરે છે. જેને નિહાળવા અર્થે હજારોની સંખ્યામાં મેદની એકત્રિત થાય છે. ભરતા ભાંગોરીયાના હાટમાં આદિવાસીઓ જીવન જરૂરિયાતની ચીજવસ્તુઓ ખરીદ કરવા ઉમટી પડે છે. પરંતુ ચાલુ વર્ષે જિલ્લામાં ભરાતા ભાંગોરીયાના હાટને કોરોનાનું ગ્રહણ લાગ્યું છે.

જીવલેણ વાઈરસ કોરોનાને નાથવા અર્થે સરકાર દ્વારા બહાર પાડવામાં આવેલ ગાઈડલાઇન મુજબ કોરોના સંક્રમણને અટકાવવા વધુ મેદની એકત્રિત ન થવા દેવાની હોય જેના લીધે કડક અમલ કરવામાં આવી રહ્યો છે. જેના કારણે વેપારીઓમાં ભારે હતાશા જોવા મળી રહી છે. આદિવાસી વિસ્તારનો મુખ્ય તહેવાર હોળીમાં સારો ધંધો થવાની આશા રાખીને બેઠેલા વેપારીઓ ની આશાઓ ઉપર પાણી ફરી વળ્યાં છે. હોળી પર્વને ધ્યાનમાં રાખીને વેપારીઓએ અગાઉથી મોટા પ્રમાણમાં સ્ટોક ભેગો કરી લીધી છે.

પરંતુ હાટ બજારો ન ભરતા માથે હાથ મૂકીને રડવાનો વારો આવ્યો છે. ધંધા રોજગારો ઠપ થઈ જતા જેઓ માત્ર હાટ બજારનો ધંધો કરે છે તેઓની હાલત ભારે કફોડી જણાઈ રહી છે. છોટાઉદેપુર જિલ્લાના વેપરીઓ જણાવી રહ્યા છે કે અગાઉના વર્ષમાં લોકડાઉનના કારણે આખું વર્ષ ખાલી ગયું છે. હવે ચાલુ વર્ષે પણ મુખ્ય તહેવાર હોળી જેમાં આખા વર્ષના ધંધાનો આધાર છે. તેમાં પણ ખરા સમયે હાટ બજારો ન ભરાતા ધંધો કરવો કેવી રીતે એ પ્રશ્ન છે. અમોએ સ્ટોક ભરાવી દીધો હોય અને ધંધો ન થતા ભારે આર્થિક નુકસાન થશે તેમ વેપારીઓ જણાવી રહ્યા છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આર્થિક સ્થિતિમાં સુધાર લાવવા માટે તમે તમારી કોશિશમાં થોડો પરિવર્તન લાવશો અને તેમાં તમને સફળતા પણ મળશે. થોડો સમય ઘરના બગીચામાં તથા બાળકો સાથે પસાર કરવાથી માનસિક સુકૂન મળી શકશે. કોઇ મિત્ર સાથે...

    વધુ વાંચો