ત્રીજા દિવસે લાશ મળી:છોટા ઉદેપુરના અંબાડી ગામના અસ્થિર મગજના બે દિવસથી ગુમ થયેલ વૃદ્ધની નદીના પટમાંથી લાશ મળી

છોટા ઉદેપુર જીલ્લાના પાવી જેતપુરના તાલુકાના અંબાડી ગામના અસ્થિર મગજના વૃદ્ધ તા. 22 જુલાઈના રોજ સવારે 10 વાગ્યે માળવાળા ખેતર જવા નીકળ્યા હતા. બપોરના એક વાગ્યા સુધી ઘરે ન આવતા પરિવારજનોએ શોધખોળ હાથ ધરી હતી. સાંજ સુધી ન મળતાં પરિવારજનોએ પાવી જેતપુર પોલીસ મથકે વૃદ્ધ વાઘજીભાઈ દલાભાઈ રાઠવા (ઉ. વ.65) ગુમ થયાની ફરિયાદ નોંધાવી હતી.

બે દિવસ બાદ ત્રીજા દિવસે તા. 24ના રોજ સાંજના લગભગ 5 વાગ્યાના અરસામાં વૃદ્ધની લાશ રતનપુરની સીમમાંથી ઓરસંગ નદીના પટમાંથી મળી આવી હતી. આ લાશનો કબજો પાવી જેતપુરના પોલીસે મેળવીને અકસ્માત મોતનો ગુનો નોંધી આગળની કાર્યવાહી હાથ ધરી છે.