કોરોનાનો કહેર:છોટાઉદેપુરમાં કોરોનાના 2 કેસ, કુલ આંક 797, 174 એન્ટિજન અને Rtpcr સેમ્પલ કોરોનાની તપાસમાં લેવાયા, કોરાનાથી કુલ 21નાં મોત

છોટાઉદેપુર જિલ્લામાં છેલ્લા કેટલાક દિવસોથી કોરોનાના કેસોમાં વધઘટ થયા કરે છે. ક્યારેક એક પણ કેસ નથી નોંધાતો તો ક્યારેક 2-3 કેસ જોવા મળે છે. બુધવારે વધુ 2 કેસ પોઝિટિવ નોંધાતાં કુલ પોઝિટિવ કેસનો આંક 797 ઉપર પહોંચ્યો છે.

બુધવારે જિલ્લામાં જે 2 પોઝિટિવ કેસ આવ્યા તેમાં 71 વર્ષની વૃદ્ધા તેજગઢ છોટાઉદેપુર અને 40 વર્ષના આધેડ છોટાઉદેપુરનો સમાવેશ થાય છે. બુધવારે જિલ્લાના જુદાજુદા તાલુકાઓમાંથી 174 એન્ટિજન અને આરટીપીસીઆર સેમ્પલ કોરોના તપાસ અર્થે લેવાયા હતા. જિલ્લામાં હાલં કુલ 752ને રજા આપી દેવાઇ છે. 21 દર્દીઓ એડમિટ છે અને 21નાં મોત થયા છે. જિલ્લામાંથી 3 દર્દીઓ સાજા થતાં તેઓને રજા અપાઇ હતી. અત્યાર સુધી કોરોનાના સૌથી વધારે કેસ બોડેલી તાલુકાના 268 નોંધાયા છે. જ્યારે બીજા ક્રમે છોટાઉદેપુર તાલુકાના 209 કેસ નોંધાયા છે.