કાર્યવાહી:સીગલાજા મીઠીબોરમાં વાડામાંથી 16.74 લાખનો વિદેશી દારૂ ઝડપાયો

છોટાઉદેપુર તાલુકાના સિંગલાજા મીઠીબોર ગામ ખાતે એક મકાનના વાડામાંથી રૂા. 16,74,600નો ભારતીય બનાવટનો વિદેશી દારૂ છોટાઉદેપુર એલસીબી પોલીસે ઝડપી પાડ્યો હતો. એલસીબી પીઆઈ ડી.જે. પટેલને બાતમી મળી હતી કે છોટાઉદેપુર પોલીસ સ્ટેશન વિસ્તારના સીંગલાજા મીઠીબોર ગામે એક મકાનના વાડામાં ભારતીય બનાવટનો વિદેશી દારૂ રાખેલ છે.

જે અનુંસંધાને એલસીબી સ્ટાફના માણસોએ સદર જગ્યારે પ્રોહી રેઇડ કરતા ભારતીય બનાવટનો વિદેશી દારૂ કુલ બોટલ નંગ 3480 કિ.રૂા. 16,74,600નો મુદ્દામાલ ઝડપી છોટાઉદેપુુુર પોલીસ સ્ટેશન ખાતે પ્રોહીબિશન એકટ મુજબનો ગુનો નોંધાવામાં આવેલ છે. ગુનામાં સંડોવાયેલા ફરાર આરોપી સુરેશભાઇ કાળુભાઇ રાઠવા રહે. સીંગલાજા મીઠીબોર તા.જિ. છોટાઉદેપુર, કાળુભાઇ દેસીંગભાઇ રાઠવા રહે.સીંગલાજા મીઠીબોર તા. જિ. છોટાઉદેપુરને પકડવા અર્થે કાર્યવાહી હાથ ધરી છે.