સ્થાનિક સ્વરાજની ચૂંટણી:નસવાડી તાલુકાના ચૂંટણી જાહેરનામા પ્રસિદ્ધને લઈ તલાટીઓની બેઠક મળી

નસવાડી તાલુકામાં 22 તાલુકા પંચાયત અને 5 જિલ્લા પંચાયતની ચૂંટણી જાહેર થયા બાદ હવે તાલુકા મથકની 60 ગ્રામ પંચાયતમાં આવતા 212 ગામડા સુધી ચૂંટણી આવી છે અને લોકશાહીનું પર્વ છે. ત્યારે કોઈપણ ઉમેદવાર ઉમેદવારી કરી શકે છે. સાથે ચૂંટણીલક્ષી જાહેરનામું નિયમ મુજબ જેતે ગ્રામ પંચાયતની ઓફિસ અને સાથે ગામ સેજા મુજબ પ્રસિદ્ધ કરવાનું હોય છે અને તારીખ 8 ફેબ્રુઆરીના સોમવારના રોજ દરેક ગ્રામ પંચાયત કચેરી પર ચૂંટણીલક્ષી જાહેરનામું નોટીસ બોર્ડ પર મુકવાનું અને સાથે જેને પણ મતદાર યાદી જોવી હોય તે ગ્રામ પંચાયતના તલાટીને મળી મતદાર યાદી પણ જોઈ શકે છે. સાથે કોઈપણ ગામમાંથી કોઈને પણ ઉમેદવારી કરવી હોય તો તે ગ્રામ પંચાયતમાં મતદાર યાદી સાથે તેના ક્રમાંક નંબર જોઈ શકે.

ત્યારે નસવાડી તાલુકા સેવાસદન પર નસવાડી તાલુકાની 60 ગ્રામ પંચાયતના તલાટી કમ મંત્રીઓ સાથે ચૂંટણીલક્ષી જાહેરનામાની પ્રસિદ્ધિને લઈ બેઠક યોજાઈ હતી. નિયમ મુજબ જાહેરનામાની કોપી દરેક તલાટીઓને અપાઈ છે સાથે ચૂંટણીલક્ષી અનેક મુદ્દાની સમજ અપાઈ છે. સોમવારના ચૂંટણીલક્ષી જાહેરનામું પ્રસિદ્ધ થશે અને તે જ દિવસથી ચૂંટણી લડવા માગતા ઉમેદવાર ફોર્મ લઈ શકશે અને ભરી શકશે.