રજૂઆત:ભાજપની બોડીમાં ભીલ સમાજના સદસ્ય નહીં લેવાતાં ભાજપ અધ્યક્ષને રજૂઆત

છોટાઉદેપુર જિલ્લા ભાજપ પક્ષની નવીન બોડી બની છે. જેમાં નસવાડી તાલુકો આદિવાસી વિસ્તાર ધરાવતો તાલુકો હોય જેમાં અનેક માજી ધારાસભ્યથી લઈ તાલુકાના ચૂંટાયેલા સદસ્યો પણ ભીલ સમાજના છે અને નસવાડી તાલુકામાં 95 ટકા વસતી ભીલ સમાજની છે. સાથે તીલકવાળા, ગરડેશ્વર, નાંદોદ, નસવાડી, સંખેડા આમ પાંચ તાલુકામા મેવાસ ભીલ સમાજનો દબદબો છે. ત્યારે જિલ્લા ભાજપની બોડીમા ભીલ સમાજનો એપકન કાર્યકરને હોદ્દો આપેલ ન હોય અને જિલ્લાની નવીન બોડીની રચના થઈ જતા નસવાડીથી મેવાસ ભીલ સમાજ સુરત ખાતે ભાજપ પ્રમુખ સી. આર. પાટીલને મળવા પોહચ્યાં હતા.

અને બધાની રજૂઆત સી. આર. પાટીલ દ્વારા સાંભળવામાં આવી છે અને આ બાબતને લઈ છોટાઉદેપુર જિલ્લા ભાજપ પ્રમુખને ભીલ સમાજના આગેવાનોને બોડીમાં સમાવેશ કરવા આદેશ કર્યો છે. ત્યારે હવે જિલ્લા ભાજપની બોડીમા ભીલ સમાજના સદસ્યોને હોદ્દો મળે છે કે નહીં તે જોવું રહ્યંુ. કારણ કે આગામી તાલુકા અને જિલ્લા પંચાયતની ચૂંટણી પહેલા ભીલ સમાજની ભાજપમા અવગણના ન થાય તે બાબતે પ્રદેશ કક્ષાએ રજૂઆત થાય તેવી ચર્ચ ઓ ઉઠી છે.