કાર્યકરોમા રોષ:ભાજપના નારાજ કાર્યકરોએ અપક્ષમાંથી ફોર્મ ન ખેંચ્યા

નસવાડી તાલુકામાં ભાજપ દ્વારા ટિકિટ ફાળવડી કર્યા બાદ રીતસરનો ભાજપ કાર્યકરોમા રોષ ઉઠ્યો હતો. જે રોષ ભાજપની પેજ સમિતિ અને ભાજપ પક્ષ માટે રાત દિવસ મહેનત કરનારાની કદર ન થઈ હોય આખરે નારાજ ભાજપ કાર્યકરોએ પોતાની રીતે અપક્ષમાં ઉમેદવારી કરી હતી. જેમાં ડુંગર વિસ્તારની મહત્વની બેઠક કુકરદા જિલ્લા પંચાયતની અને તેમા ચાર બેઠકો પર અપક્ષ ઉમેદવાર ફોર્મ ભર્યા હતા. તેમજ નવગામ, અને બરોલી જિલ્લા પંચાયત પર અપક્ષ ઉમેદવાર ફોર્મ ભર્યા હતા. છેલ્લાં દિવસે સંખેડા ધારાસભ્ય આ ઉમેદવારોને મનાવવા આવ્યા હતા. જેમાં સેવાસદન ખાતે ધારાસભ્ય આવ્યા પણ હતા.

તે વખતે કુકરદા જિલ્લા પંચાયત બેઠક અને તાલુકા પંચાયત બેઠકના ઉમેદવાર જોડે આવ્યા હતા. પરંતુ તેઓ એ જે વધારાના અપક્ષ ફોર્મ ભર્યા હતા. તે પાછા ખેંચ્યા હતા. જેમાં જિલ્લા પંચાયતના ઉમેદવાર ગેસલીબેન દલસિંગભાઈ જિલ્લા પંચાયતનું ઉમેદવારી પત્ર પાછું ખેંચ્યું હતું. જ્યારે ગોનાબેન અંબાલાલ ડું ભીલ ઉમેદવાર આવી જ ન હોય જિલ્લા પંચાયતના મુખ્ય ઉમેદવાર તરીકે કુકરદા બેઠક પર તેનું ફોર્મ રહ્યું હતું. જ્યારે તેમના પતિ અંબાલાલ ડું ભીલ પોતે પણ ઉમેદવારી તાલુકામા કરી હોય તેઓ ફોર્મ પાછું ખેંચ્યું હતું.

ત્યારે હાજર ભાજપના નેતાઓથી લઈ ધારાસભ્યને એવું લાગ્યું કે બધા અપક્ષ ફોર્મ ખેંચી લીધું છે. પરંતુ ચિત્ર સ્પષ્ટ થયુ નહી અને અપક્ષ ઉમેદવાર નેતાઓને ગોળ ગોળ ફેરવી જતા રહ્યા હતા. જેને લઈ નારાજ ભાજપના કાર્યકરો ચૂંટણી જંગમા અપક્ષ તરીકે પેનલ બનાવી લડી રહ્યા છે. નવગામ, બરોલી બેઠકના પણ ઉમેદવાર ફોર્મ ખેંચ્યું નથી. જ્યારે હવે અપક્ષ, બસપ, ભાજપ, કોંગ્રેસ વચ્ચે સીધો ચૂંટણી જંગ રહેશે.