તંત્ર નિદ્રાંધિન:નસવાડી 18 કવાર્ટરના બિલ્ડિંગ આગળ ગટરના દૂષિત પાણી હજુ પણ યથાવત

નસવાડી ટાઉનના સરકારી 18 ક્વાર્ટરમા રહેતા સરકારી કર્મચારીઓના મુખ્ય દરવાજા પાસે ગટરના દૂષિત પાણીથી આખું મેદાન આગળનું ભરાયું છે. જેના એહવાલ પ્રસિદ્ધ કરાયાના 15 દિવસ વીતી ગયા છતાંય હજુ પરિસ્થિતિનો કોઈ ઉકેલ આવ્યો નથી. સરકારી કર્મચારીઓ આ બિલડીગમા રહેતા હોય અને નસવાડી મામલતદાર, ટીડીઓ આ બિલડીગના મુખ્ય ગેટથી તેમના રહેવાના ક્વાર્ટર તરફ જાય છે. જ્યારે તાલુકાના અધિકારી તેમના ક્વાર્ટરમા જાય તો તેમની નજરથી અને તેમની સામે આ ગંદકી, દૂષિત ગટરના પાણી નરી આંખે તેઓ દેખી શકતા હોય છે. છતાંય આંખ આડા કાન કરતા હોય તો હવે શું સમજવું? છોટાઉદેપુર જિલ્લા સ્ટેટ આર એન્ડ બીથી લઈ નસવાડી ગ્રામ પંચાયત હજુ સુધી સફાઈની આ કામગીરી કરાવી નથી જેને લઈ 18 કવાર્ટરમા રહેતી મહિલાઓમા ભારે રોષ ઉઠ્યો છે.

મહિલાઓના જણાવ્યા મુજબ અમારું આ પ્રશ્ન હલ નથી થતો. જ્યારે મીડિયામા પણ આ બાબતે જાણ કરી તોય તંત્ર ધ્યાન ન આપતું તો હોય તો હવે સામાન્ય જનતા તેમના પ્રશ્ન હલ થાય તે કોની પાસે આશા રાખશે. ખરેખર તો જિલ્લા કલેક્ટર અને ડીડીઓ આ બાબતે કડક કામગીરી કરી તત્કાલ તાલુકાના તંત્ર પાસે જવાબ માગવો જોઈએ તેવી ચર્ચાઓ ઉઠી છે.