દુર્ઘટના:લિંડા તળાવમાં ટીખળખોરોએ ઝેરી દવા નાખતાં જળચરનાં મોત

લિંડા ગામે સિંચાઈ વિભાગનું તળાવ આવેલું છે. ચોમાસામા આખું તળાવ વરસાદના પાણીથી ભરાયું હોઈ જેને લઈ જેતે ઇજારદાર આ સિંચાઈ તળાવ ભાડે રાખેલ હોઈ અને તળાવમા જીંગા, માછલીનું ફાર્મિગ થતુ હોય છે. જેને લઈ મોટી માત્રમા ખર્ચ પણ થતો હોય છે. ત્યારે લિંડા તળાવના કિનારે શુક્રવારે સવારે મોટી માત્રમા જીંગા, કરચલા, માછલી, જળચર અન્ય પ્રાણીના મોત થયા હતા. તે તળાવના કીનારે દેખાઈ પડ્યા હતા. જેને લઈ ત્યાં રહેતા કામદારો દ્વારા તપાસ કરતા કિનારાની આજુબાજુ મોટી માત્રમાં આ રીતે પરિસ્થિતિ દેખાઈ પડી હતી.

જેને લઈ તપાસ કરતા ઝેરી દવાની બોટલ પણ કિનારે જોવા મળી હતી. જે બાબતને લઈ કોઈ ટિકળ ખોરો આ રીતે કર્યું હોય તેમ જણાઈ રહ્યું છે. જેને લઈ નસવાડી પોલીસને ઇજારદાર દ્વારા જાણ કરાઈ છે. અને આ દવા નસવાડીમાંથી કોણ લઈ ગયું તે બાબતે ઇજારદાર જાતે તપાસ કરી રહ્યા છે. ત્યારે નસવાડી પોલીસ પણ આ બાબતે રસ લઈ જેતે ટિકળ ખોરોને ઝડપે તેવી માંગ છે.