રાજકારણ:નસવાડી તાલુકા પંચાયતની 22 બેઠક માટે 53 ઉમેદવાર

નસવાડી તાલુકા પંચાયતની 22 અને જિલ્લા પંચાયતની 5 બેઠકોની ચૂંટણી 28મીએ યોજાનાર છે. ત્યારે તાલુકાની ચૂંટણી માટે 77 ફોર્મ માન્ય રહ્યા હતા. જ્યારે છેલ્લા દિવસે ઉમેદવારી ફોર્મ ખેંચવાનું હોઈ અપક્ષ તેમજ ભાજપ, કોંગ્રેસ સાથે જોડાયેલ ઉમેદવારોએ ફોર્મ ખેંચ્યા હતા. જેમાં નસવાડી તા.પં.ની 22 બેઠકો પૈકી 53 ઉમેદવાર ચૂંટણી જંગમા છે. જ્યારે જિ.પં.ની 5 બેઠક માટે 14 ઉમેદવાર મેદાનમા રહ્યા છે.

ઉમેદવારી ફાર્મ ખેંચવાના અંતિમ દિવસે એટલે કે મંગળવારે ચૂંટણી ચિત્ર સ્પષ્ટ થયું છે.જેમાં કેટલાકે ફોર્મ પરત ખેંચ્યું છે, જ્યારે કેટલાક ચૂંટણી જંગમા રહ્યા છે. નસવાડી જિલ્લા પંચાયત બેઠક પર કોંગ્રેસથી નારાજ માજી જિલ્લા સદસ્યના પતિ રમેશભાઈ રણછોડભાઈએ અપક્ષમાંથી ઉમેદવારી કરી હોઇ તેમને કોંગ્રેસે મનાવી લેતાં તેમણે ઉમેદવારી ફોર્મ ખેંચ્યું હતું.