જાહેરાત:કવાંટ પંચાયત દ્વારા કોરોનાના નિયમો પાળવા નગરમાં ગાડી ફેરવી જાહેરાત કરવામાં આવી

કવાંટ ગ્રામ પંચાયત દ્વારા કવાંટમાં ખરીદી કરવા આવતા લોકોને હાલમાં કોવિડ-19 ની ગાઈડ લાઈનનો અમલ ચાલુ હોય તો ગ્રામજનો ચુસ્તપણે ગાઈડ લાઈનનું પાલન કરવાનું રહેશે તે અંગેની સૂચના કવાંટ પંચાયત દ્વારા કવાંટમાં રીક્ષા ફેરવી લાઉડ સ્પીકર દ્વારા તેની જાણ કરવામાં આવી હતી. હાલમાં ચાલી રહેલી કોવિડ-19નું ગાઈડલાઈનનું પાલન કરાવવા તેમજ તમામ લોકોએ ફરજીયાત માસ્ક પહેરવા , સોશિયલ ડિસ્ટન્સનું પાલન કરવાનો તેમજ કવાંટના દરેક દુકાનદારોએ વધુ ભીડ એકઠી ન થાય તેનું ખાસ ધ્યાન રાખવા માટે તથા આવનાર દિવાળીના પર્વ નિમિત્તે સૌ સાવચેત રહો, સુરક્ષિત રહો તેમજ દિવાળી સાથે નવ વર્ષ શુભદાયી રહે તેવી શુભકામનાઓ ગ્રામ પંચાયત દ્વારા જનતાને પાઠવી હતી.