દુર્ઘટના:જબુગામ રેફરલ હોસ્પિટલ પાસે ટ્રક સળગી, રસ્તામાં ટાયર ફાટતાં ટ્રકમાં આગ લાગી

બોડેલીથી છોટાઉદેપુર રોડ પર જબુગામ રેફરલ હોસ્પિટલ પાસે ટ્રકમાં સોમવારે મળસ્કે આગ લાગવાનો બનાવ બન્યો હતો. આગ લાગવાના કારણે ટ્રકના ટાયર સહિત આખી ટ્રક સળગી ઉઠી હતી. છોટાઉદેપુરથી બોડેલીને જોડતા હાઇવે પર આ બનાવ બન્યો હતો.ટ્રક ચાલકના જણાવ્યા મુજબ ટ્રક ભરીને ટ્રક ચાલક સેવાલિયા જઈ રહ્યો હતો. ત્યારે રસ્તામાં ટાયર ફાટતા ટ્રકમાં આગ લાગી હતી. સ્થાનિક લોકો સહિત ટ્રકચાલકે આગ બુઝાવવાની કોશિશ કરી છતાં ટ્રક ભડથું થઈ ગઈ હતી. આગના કારણે બીજા ટાયરોમાં પણ બ્લાસ્ટ થયો હતો. ટ્રકમાં આગ લાગવાના કારણે લોકો સ્થળે દોડી આવ્યા હતા.