બોટાદના ઝીઝાવદર ગામનો બનાવ:પ્રેમસંંબંધની જાણ થતાં યુવકના પરિજનોને ધમકી

બોટાદ તાલુકાના ઝીઝાવદર ગામે રહેતા લાભુભાઈ કવાભાઈ જાદવની દીકરી સાથે આજ ગામના મહેશભાઈ નરસિંહભાઈ બામરોલિયા સાથે પાંચ વર્ષ પહેલા પ્રેમસંબધ હોવાની જાણ લાભુભાઈને થઇ જતા ચાર લોકોએ મળી મહેશભાઈ બામરોલીયાનાં પરિવારજનોને માર મારી જાનથી મારી નાખવાની ધમકી આપતા બોટાદ પોલીસે ચારેય આરોપી વિરૂદ્ધ ગુનો નોંધી કાયદેશરની કાર્યવાહી હાથ ધરી છે.

પોલીસ સુત્રો દ્વારા મળતી માહિતી મુજબ બોટાદ તાલુકાના ઝીઝાવદર ગામે રહેતા મહેશભાઈ નરસિંહભાઈ બામરોલીયા (ઉ.વ. 26)ને તેમની બાજુમાં રહેતા લાભુભાઈ કવાભાઇ જાદવની દીકરી સાથે પાંચ વર્ષ પહેલા પ્રેમસંબધ હતો. જેની જાણ છોકરીના પિતાને થઇ હતી. જે બનાવને લઇ તા.16નાં રોજ રાત્રે 8-30 કલાકે મહેશભાઈ નરસિંહભાઈ બામરોલિયા, તેમનો ભાઈ સંજયભાઈ, નીલેશભાઈ, બહેન રાધનાબેન, નરસિંહભાઈ, મમ્મી ચંદ્રીકાબેન અને મેહેશાભાઈની પત્ની કૈલાશબેન અને તેમના ભાઈના પત્ની રેખાબેન ફળીયામાં બેઠા હતા તે દરમિયાન લાભુભાઈ કવાભાઇ જાદવ, સુનીલભાઈ લાભુભાઈ જાદવ, કુલદીપ લાભુભાઈ જાદવ અને જેતુભાઈ રાઘવભાઈ જાદવ લાકડીઓ લઇને ઘરે આવી અપશબ્દો બોલી લાકડીઓ વડે માર મારવા લાગ્યા હતા અને જાનથી મારી નાખવાની ધમકી આપી હતી.