સુવિધા:દિવ્યાંગ લગ્ન સહાય યોજના હેઠળ લગ્નની તારીખથી 2 વર્ષની સમયમર્યાદા સુધી અરજી કરી શકશે

સામાજીક ન્યાય અને અધિકારીતા વિભાગ ગુજરાત સરકારના સમાજ સુરક્ષા ખાતા દ્વારા દિવ્યાંગ લગ્ન સહાય યોજના અમલમાં છે. જેમા દિવ્યાંગ વ્યકિતના લગ્ન થયેથી સમાજ સુરક્ષા કચેરી ખાતે આધાર પુરવા સાથે અરજી કરવાની રહે છે. દિવ્યાંગ થી દિવ્યાંગ વ્યકિતના સાથેના લગ્ન થયેલ હોય તો તે કિસ્સામાં દંપતીના 50-50 હજાર મળી એમ કુલ રકમ 1 લાખ રૂપિયાની સહાય મળવા પાત્ર છે. સરકારના દિવ્યાંગ લગ્ન સહાયના ઠરાવમાં નવા સુધારા મુજબ દિવ્યાંગ લગ્ન સહાય યોજનામાં સહાય મેળવવા માટે લગ્ન તારીખ થી બે વર્ષની સમય મર્યાદામાં જે જિલ્લામાં કાયમી રહેઠાણ ધરાવતા હોય તે જિલ્લામાં અરજી કરવાની રહે છે. બોટાદ જિલ્લાના તમામ લાભાર્થીઓ લગ્ન સહાયનો લાભ મેળવવા બે વર્ષના સમય મર્યાદામાં વેબ સાઇટ (ઇ-સમાજ કલ્યાણ) https://esamajkalyan.gujarat.gov.in/ પર ઓનલાઇન અરજી કરવા અને એ/જી08, 09, એ વિંગ, ગ્રાઉન્ડ ફલોર, જિલ્લા સેવા સદન ખસ રોડ બોટાદ 364710 ફોન નં. 02849 -271323 પર સંપર્ક કરવા બોટાદ જિલ્લા સમાજ સુરક્ષા અધિકારી દ્વારા જણાવ્યુ હતુ.