કાર્યક્રમ યોજાશે:બોટાદના સ્વામિનારાયણ ગુરુકુળમાં શ્રીમદ્ ભાગવત્ કથામૃત કાર્યક્રમ યોજાશે

બોટાદમાં આવેલા સ્વામિનારાયણ ગુરૂકુળમાં અભ્યાસ કરતાં વિદ્યાર્થીઓ સંસ્કાર મેળવે તે હેતુથી 5 વર્ષ પહેલા સ્વામિનારાયણ મંદીરની સ્થાપના કરી હતી. જેમાં આરાધ્ય દેવ ઘનશ્યામ મહારાજની પ્રાણપ્રતિષ્ઠા કરવામા આવી હતી.

જેને આ વર્ષે 2022 ડિસેમ્બરમાં માગસર વદ 10ના રોજ 5 વર્ષ પુરા થતાં હોવાથીઘનશ્યામ મહારાજ પંચામૃત મહોત્સવ તા.14/12/22 થી 18/12/22 સુધી ઉજવાશે. આ મહોત્સવ અંતર્ગત અ.નિ.મનુભાઈ ખીમજીભાઈ ખેરડીયાની પુણ્ય સ્મુતિમાં શ્રીમદ ભાગવત દશમ સ્કંધ પંચાહ પારાયણનું આયોજન કરવામાં આવશે. જેમા શાસ્ત્રી સ્વામી હરિપ્રકાશદાસજી (અથાણાવાળા) સુ-મધુર શૈલીમાં સંગીત સાથે કથાનું રસપાન કરાવશે. આ મહોત્સવમાં કથા પારાયણ, યજ્ઞનારાયણ, સાંસ્ક્રુતિક કાર્યક્રમો, મેડીકલ કેમ્પ જેવા અનેકવિધ કાર્યક્રમો સાથે મહોત્સવ ઉજવાશે.

પંચામૃત મહોત્સવ દરમિયાન વડતાલ પીઠાધીપતી આચાર્ય રાકેશપ્રસાદજી પધારી હરીભક્તોને દર્શન આર્શીર્વાદનો લાભ આપશે. આ 5 દિવસ ચાલનારા મહોત્સવમાં તા.14 ડિસેમ્બરના બુધવારે પોથીયાત્રા સવારે 9:00 કલાકે સ્વા.મંદિર રાજપુત ચોરાથી સ્વા.ગુરૂકુળ સુધી યોજાશે.

મહોત્સવ ઉદઘાટન કાર્યક્રમ સવારે 11:00 કલાકે યોજાશે. કથા પ્રારંભ સવારે 11:15 કલાકે થશે અને રાત્રે 8:00 કલાકે લોક ડાયરો યોજાશે. તેમજ તા.15 ડિસેમ્બર ને ગુરૂવારે સવારે 11:30 કલાકે શ્રી રામ જન્મોત્સવ ઉજવાશે. સાંજે 5:00 કલાકે શ્રી ક્રુષ્ણ જન્મોત્સવ ઉજવાશે. રાત્રે 8:30 કલાકે સાંસ્કૃતિક કાર્યક્રમ યોજાશે.

તા.16 ડિસેમ્બર શુક્રવારના રોજ યજ્ઞ પ્રારંભ 3:00 કલાકે થશે, કિટ વિતરણ કાર્યક્રમ સાંજે 4:30 કલાકે યોજાશે. સુન્દરકાંડ પાઠ સાંજે 8:30 થી 11:00 કલાક સુધી યોજાશે. અને તા.17 ડિસેમ્બર શનિવારના રોજ રાત્રે સાંસ્કૃતિક કાર્યક્રમો યોજાશે. દિવસ તા.18 ડિસેમ્બરને રવિવારના રોજ મંગળા આરતી પુષ્પાભિષેક, અન્નકુટ આરતી, કથા પુર્ણાહુતિ, યજ્ઞ પુર્ણાહુતિ કાર્યક્રમ યોજાશે.