લઠ્ઠાકાંડ મુદ્દે વધુ 12ની બદલી:બોટાદ પોલીસમાં સન્નાટો; ડી.જી. ઓફિસ દ્રારા એલ.સી.બી, એસ.ઓ.જી. સહિતના પોલીસ કર્મચારીઓની કરાઈ બદલી

બોટાદ20 દિવસ પહેલા

બરવાળા લઠ્ઠાકાંડને લઈ પોલીસ વિભાગના જવાબદાર અધિકારી તેમજ કર્મચારીઓ દ્રારા ફરજમાં બેદરકારી થઈ હોય જેના ભાગ રૂપે ગઈકાલે ગ્રહ વિભાગ દ્રારા બોટાદ તેમજ અમદાવાદ ગ્રામ્ય એસ.પી.ની બદલી સહિત 6 જેટલા પોલીસ અધિકારીને સસ્પેન્ડ કરતા પોલીસ આલમમાં ફફડાટ જોવા મળતો હતો.

ગ્રહ વિભાગ દ્રારા 2 આઈ.પી.એસ. સહિત ડી.વાય એસ.પી.,પી.આઈ તેમજ પી.એસ.આઈ મળી કુલ 6 લોકોને સસ્પેન્ડ કરતા ગઈકાલથી જ પોલીસ કર્મચારીઓમાં અલગ અલગ ચર્ચાઓ સાથે ભયનો માહોલ હતો. તે વાતની ચર્ચા વચ્ચે આજે ડી.જી. ઓફિસ દ્રારા એલ.સી.બી,એસ.ઓ.જી. સહિત રાણપુર તેમજ બરવાળા પોલીસ સ્ટેશનમાં ફરજ બજાવતા કુલ 12 પોલીસ કર્મચારીને અલગ અલગ જિલ્લામાં બદલીનો ઓડર કરતા પોલીસ બેડાંમાં હાલ તો ફફડાટનો માહોલ જોવા મળી રહ્યો છે.

કોની અને ક્યાં થઈ બદલી કરાઈ

  1. ક્રીપાલસિંહ દોલુભા ઝાલા - છોટા ઉદેપુર.
  2. વનરાજભાઈ વિશુભાઈ બોરીચા - બનાસકાંઠા.
  3. ભાર્ગવભાઈ કાલીદાસ રામાનુજ - દાહોદ.
  4. જયેશભાઈ ગભરૂભાઈ ધાધલ - પશ્ચિમ કચ્છ ભુજ.
  5. કિરણસિંહ ધીરૂભા દાયમા - વલસાડ.
  6. લગધીરસિંહ અજીતસિંહ ચુડાસમા - ડાંગ આહવા.
  7. પ્રદ્યુમનસિંહ દાનસિંહ વાળા - તાપી વ્યારા.
  8. ઈન્દ્રજીતસિંહ ઘનશ્યામભાઈ મોરી - નવસારી.
  9. નિકુંજભાઈ ગોરધનભાઈ ડાભી - સુરત ગ્રામ્ય.
  10. વિજયભાઇ ભુપતભાઈ ધરજીયા - ભરૂચ.
  11. પૃથ્વીરાજસિંહ પ્રતાપસિંહ જાદવ - પંચમહાલ.
  12. નિલેશભાઈ શામજીભાઈ ગલથરા - મહીસાગર.

6 અધિકારી સસ્પેન્ડ અને 2 આઈપીએસની બદલી બાદ 12 પોલીસ કર્મચારીઓની બદલી થતાં પોલીસ વિભાગમાં સન્નાટો.

અન્ય સમાચારો પણ છે...