ચૂંટણી:બોટાદ પાલિકામાં 21, તાલુકા પંચાયતમાં 57 ઉમેદવારે ફોર્મ ભર્યાં

બોટાદ પાલિકા, તાલુકા પંચાયત તેમજ જિલ્લા પંચાયતની સામાન્ય ચુંટણી માટે તા.28નાં રોજ ચુંટણી યોજાનાર છે. ત્યારે તા.12નાં રોજ બપોરનાં 3 વાગ્યા સુધીમાં ઉમેદવારો દ્વારા ચુંટણી અધિકારીને ઉમેદવારી ફોર્મ ભરી રજુ કરી દેવામાં આવ્યા છે. જેમા બોટાદ પાલિકામાં 21 ભાજપના ઉમેદવારોએ, જિલ્લા પંચાયતમા 16 ઉમેદવારો જેમાં 4 કોંગ્રેસના અને 12 ભાજના ઉમેદવારોએ ઉમેદવારી ફોર્મ ભર્યા છે. જ્યારે બોટાદ તાલુકા પંચાયતમાં 57 ઉમેદવારોએ ઉમેદવારી ફોર્મ ભર્યા છે જેમા ભાજમાંથી 37, કોંગ્રેસમાંથી 15, આમ આદમી પાર્ટીમાથી 4 અને અપક્ષમાથી 1 ઉમેદવારે ઉમેદવારી ફોર્મ ભર્યુ છે.