ક્રાઇમ:બોટાદ જિલ્લામાં દેશી દારૂનું ચલણ વધ્યું, મકાનમાંથી ઝબ્બે

બોટાદ પોલીસ સ્ટાફના માણસો સોમવારના રોજ બપોરના 1.00 કલાકે પેટ્રોલિંગમાં હતા તે દરમિયાન મળેલ બાતમીના આધારે તાલુકાના જોટીંગડા ગામે સાલૈયા રોડ દાડમાં દાદાના મંદિર પાછળ રહેતા સુનીલ કનુભાઈ જીલિયાનાં રહેણાકી મકાનમાં રેઇડ પાડતા દેશી દારૂ બનાવવા માટે 200 લીટર ગોળપાણીનું રસાયણ કી.રૂ. 400, દેશી દારૂ 30 લીટર કી.રૂ.600, ઠંડો વોશ 15 લીટર કી.રૂ.30 મળી કી.રૂ.1480 નો મુદ્દામાલ સાથે આરોપી સુનીલને પોલીસે ઝડપી લીધો હતો.

ભાંભણ રોડ પરથી 2દારૂ સાથે ઝડપ્યા
જ્યારે બોટાદમાં ભાંભણ રોડ ઉપરથી બોટાદ પોલીસે બે લોકોને 7 લીટર દેશી દારૂ સાથે ઝડપી પાડયા હતા જેમાં પોલીસે આરોપી ભૂપતગીરી ઘનશ્યામગીરી ગોસ્વામી અને રફીક ઉર્ફે મૂડીયો ઉર્ફે મુન્નો સંઘીને 7 લીટર દારૂ દેશી દારૂ કી.રૂ. 140 નાં મુદ્દામાલ સાથ ઝડપી બંને વીરૂદ્ધ બોટાદ પોલીસ સ્ટેશનમાં ગુનો નોંધી કાયદેશની કાર્યવાહી હાથ ધરી છે.

સમઢીયાળા નં-1 પાસેથી 1 શખ્સ પકડાયો
બોટાદ તાલુકના સમઢીયાળા નં-1 પાસેથી પોલીસે પૂર્વ બાતમીના આધારે રેઇડ પાડી શેથળી ગામના યુવકને 5 લીટર દેશી દારૂ કી.રૂ.100ના મુદ્દામાલ સાથે આરોપી ચન્દ્રરાજ ઉર્ફે લાલ ભાભલુભાઈ ખાચર રહે.સેંથળી તા.બોટાદને ઝડપી બોટાદ પોલીસ સ્ટેશનમાં ગુનો નોધી પોલીસે કાયદેશરની કાર્યવાહી હાથ ધરી છે. એક જ દિવસમાં પોલીસે દેશી દારૂ સાથે 2થી વધુ લોકોને ઝડપી લેતાં ફફડાટ ફેલાયો છે. દેશી દારૂને ઝડપી લેવા માટે પોલીસ સતત પ્રયાસો કરી રહી છે.