• Gujarati News
  • Local
  • Gujarat
  • Botad
  • He Came Home After Drinking Alcohol In The Evening And Started Vomiting In The Morning, Slowly His Eyes Started Getting Dark, Finally He Could Not Even Walk.

રોજીદ ગામ પહોંચ્યું દિવ્ય ભાસ્કર:ખોબા જેવડાં ગામમાં લઠ્ઠાકાંડ 18 લોકોને ભરખી ગયો;ગામમાં કોઈ કોઈને છાનું રાખનાર નથી, મહિલાઓ-બાળકોની રોકકળથી હૃદયદ્રાવક દૃશ્યો સર્જાયાં

બોટાદ2 મહિનો પહેલા
  • ઝેરી દારૂના કારણે પતિ ગુમાવનાર મહિલાની દિવ્યભાસ્કર સાથે વાતચીત

આજે બરવાળાના રોજીદ ગામે દરેકના રૂવાટા ઉભા કરી દે તેવી ઘટના ઘટી છે. એક ખોબા જેટલા ગામમાં લઠ્ઠાકાંડ 18 લોકોને ભરખી ગયો છે. હાલમાં ગામની સ્થિતિ એવી જે છે કોઈ કોઈને છાનુ રાખવા વાળુ નથી. એક તરફ પોલીસનો કાફલો તો બીજીતરફ મહિલાઓ-બાળકોની રો-કકડથી હૃદયદ્રાવક દૃશ્યો સર્જાયા છે, ત્યારે ગામની જ એક મહિલાએ દિવ્યભાસ્કર સાથે ખાસ વાતચીત કરી હતી. આ મહિલાએ પણ ઝેરી દારૂના કારણે પોતાના પતિની ગુમાવ્યો છે, મહિલા કહ્યું કે, 'સાંજે તો દારૂ પીને ઘરે આવ્યા હતા અને સવારે અચાનક ઉલટીઓ શરૂ થઈ ને મારા પતિ જમીન પર પડી ગયા....'

'સવારે ઉલટી ચાલુ થઈ, બેવાર તો પડી ગયા'
આરતીબેને વધુમાં જણાવ્યું કે, વહેલી સવારથી જ મારા પતિને ઉલટી થવા લાગી હતી અને ત્યારબાદ આંખમાં અંધારા આવા લાગ્યા. હાલત એટલી ખરાબ હતી કે, તેઓ ચાલી નહોતા શકતા. બેવાર તો પડી ગયા હતા. ત્યારબાદ તેઓને બરવાળા દવાખાને લઈ ગયા હતા, ત્યારબાદ બોટાદ દવાખાને લઈ ગયા હતા. મારા પતિ સહિત ગામના દશેક જણાને આ પ્રકારની તકલીફ થઈ છે.

ઘટનાની જાણ થતા પોલીસનો કાફલો દોડી આવ્યો હતો
ઘટનાની જાણ થતા પોલીસનો કાફલો દોડી આવ્યો હતો

શું છે સમગ્ર ઘટના?
ઝેરી દારૂ પી જવાથી બરવાળાના રોજીદ ગામે 18 લોકોનાં મોત થયા છે. ઘટનાની જાણ થતાં પોલીસ એક્શનમાં આવી છે. કેટલાક દર્દીઓને ગંભીર હાલતમાં સારવાર અર્થે ભાવનગરની સર ટી હોસ્પિટલમાં તો કેટલાકને બોટાદ ખાતે દાખલ કરાયા છે. જો કે આ સમગ્ર ઘટનામાંને પગલે DYSPની અધ્યક્ષતામાં SIT (Special Investigation Team)ની રચના કરવામાં આવી છે, જે તપાસ કરી સરકારને રીપોર્ટ સોંપશે.

દેશી દારૂ પીવાથી અનેકના મોત
દેશી દારૂ પીવાથી અનેકના મોત

નભોઈ ગામેથી દેશી દારૂ પીધો હોવાનું પ્રાથમિક તપાસમાં સામે આવ્યું
પ્રાપ્ત માહિતી અનુસાર તમામ લોકોએ નભોઈ ગામેથી દેશી દારૂ પીધો હોવાનું પ્રાથમિક તપાસમાં સામે આવ્યું છે. ભાવનગર સિવાય કેટલાકને બોટાદની હોસ્પિટલમાં પણ દાખલ કરાયા છે. બીજી તરફ બોટાદ એસપી-ડીવાયએસપી સહિતનો કાફલો સ્થળ પર પહોંચ્યો છે. ઉલ્લેખનીય છે કે અગાઉ રોજિદના ગ્રામજનોએ ગામમાં દારૂબંધી કરાવવા માટે પંચાયતને પત્ર લખી રજૂઆત પણ કરી હતી.

ઘટનાના પગલે હાલમાં રેન્જ આઈ.જી. પણ બોટાદ પહોંચ્યા
ઘટનાના પગલે હાલમાં રેન્જ આઈ.જી. પણ બોટાદ પહોંચ્યા
અન્ય સમાચારો પણ છે...